പാരീസ്: സമ്മര്‍ദ ഘട്ടത്തില്‍ മികച്ച പ്രകടനവുമായി തിളങ്ങിയ മനിക ബത്രയുടെ മികവില്‍ ഒളിമ്പിക്‌സില്‍ വനിതകളുടെ ടേബിള്‍ ടെന്നീസ് ടീം ഇനത്തില്‍ ഇന്ത്യന്‍ ടീം ക്വാര്‍ട്ടറില്‍. റൊമാനിയയെ 3-2 എന്ന സ്‌കോറിന് മറികടന്നായിരുന്നു ഇന്ത്യന്‍ സംഘത്തിന്റെ ക്വാര്‍ട്ടര്‍ പ്രവേശനം. ഒളിമ്പിക് ചരിത്രത്തില്‍ ഇതാദ്യമായാണ് ഇന്ത്യ ടേബിള്‍ ടെന്നീസില്‍ അവസാന എട്ടില്‍ ഇടംപിടിക്കുന്നത്.
റൊമാനിയക്കെതിരായ ആദ്യ ഡബിള്‍സ് മത്സരത്തില്‍ ശ്രീജ അകുല - അര്‍ച്ചന കാമത്ത് സഖ്യവും തുടര്‍ന്ന് നടന്ന സിംഗിള്‍സ് പോരാട്ടത്തില്‍ മനിക ബത്രയും വിജയിച്ചതോടെ ഇന്ത്യ 2-0ന് മുന്നിലെത്തിയിരുന്നു. എന്നാല്‍ തൊട്ടടുത്ത സിംഗിള്‍സ് മത്സരങ്ങളില്‍ ശ്രീജയും അര്‍ച്ചനയും പരാജയപ്പെട്ടതോടെ ഇന്ത്യ പ്രതിരോധത്തിലായി. എന്നാല്‍ നിര്‍ണായകമായ അവസാന സിംഗിള്‍സ് മത്സരം 3-0ന് സ്വന്തമാക്കിയ മനിക, ടീമിനെ ക്വാര്‍ട്ടറിലെത്തിക്കുകയായിരുന്നു.
ക്വാര്‍ട്ടറില്‍ യുഎസ്എയോ ജര്‍മനിയോ ആകും ഇന്ത്യയുടെ എതിരാളികള്‍.
Content Highlights: paris olympics 2024 india book historic last-8 berth in womens team table tennis
Published: 05 Aug 2024, 04:52 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented