അഹമ്മദാബാദ്: ഇന്ത്യന്‍ പ്രീമിയര്‍ ലീഗില്‍ വീണ്ടും തരംഗമായി സൂപ്പര്‍ താരം മഹേന്ദ്ര സിങ് ധോനിയുടെ മിന്നല്‍ സ്റ്റംപിങ്. ഗുജറാത്ത് ടൈറ്റന്‍സിനെതിരായ ഫൈനലില്‍ അപകടകാരിയായ ശുഭ്മാന്‍ ഗില്ലിനെ മിന്നല്‍ സ്റ്റംപിങ്ങിലൂടെ ധോനി പുറത്താക്കി.
മികച്ച തുടക്കം ലഭിച്ച് മുന്നേറുകയായിരുന്ന ഗില്ലിനെ രവീന്ദ്ര ജഡേജയുടെ പന്തിലാണ് ധോനി പുറത്താക്കിയത്. മത്സരത്തിന്റെ ഏഴാം ഓവറിലെ അവസാന പന്തിലാണ് സംഭവമരങ്ങേറിയത്. ഓഫ് സൈഡില്‍ വന്ന ജഡേജയുടെ പന്ത് ഫ്രണ്ട് ഫൂട്ടില്‍ കളിക്കാന്‍ ശ്രമിച്ച ഗില്ലിന് പിഴച്ചു. പന്ത് ബാറ്റില്‍ തൊടാതെ ധോനിയുടെ കൈയ്യിലെത്തി. ശരവേഗത്തില്‍ ധോനി സ്റ്റംപ് ചെയ്യുമ്പോള്‍ ഗില്‍ ക്രീസിന് പുറത്തായിരുന്നു. പിന്നാലെ ഔട്ടാണെന്ന് ഉറപ്പിച്ചുകൊണ്ടുള്ള ചിരി മുഖത്ത് തെളിയിച്ച് ധോനി ജഡേജയോടൊപ്പം ആഹ്ളാദം പങ്കിട്ടു.
സ്‌ക്രീനില്‍ തേര്‍ഡ് അമ്പയര്‍ ഔട്ട് വിധിച്ചതോടെ ഗില്‍ 39 റണ്‍സെടുത്ത് തലതാഴ്ത്തി മടങ്ങി. ചെന്നൈ ക്യാമ്പില്‍ ആശ്വാസം പരന്നു. ധോനി സ്റ്റംപ് ചെയ്യുന്ന വീഡിയോ ചുരുങ്ങിയ നിമിഷംകൊണ്ട് വൈറലായി. ധോനിയുടെ ഐ.പി.എല്‍ കരിയറിലെ 42-ാം സ്റ്റംപിങ്ങാണിത്.
Content Highlights: speedy stumping by ms dhoni against gujarat giants
Published: 29 May 2023, 08:25 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented