അഹമ്മദാബാദ്: ഓസ്ട്രേലിയയയ്ക്കെതിരായ ലോകകപ്പ് ഫൈനലില് അപൂര്വ്വനേട്ടം സ്വന്തമാക്കി ഇന്ത്യന് വിക്കറ്റ് കീപ്പര് ബാറ്റര് കെഎല് രാഹുല്. ഒരു ലോകകപ്പില് 400 റണ്സ് നേടുന്ന ആദ്യ അഞ്ചാം നമ്പര് ഇന്ത്യന് ബാറ്റര് എന്ന നേട്ടമാണ് താരം സ്വന്തമാക്കിയത്. മത്സരത്തില് അര്ധസെഞ്ചുറിയും രാഹുല് തികച്ചു.
ഈ ലോകകപ്പില് 400 റണ്സ് നേടുന്ന നാലാമത്തെ ഇന്ത്യന് ബാറ്റര് കൂടിയാണ് കെഎല് രാഹുല്. വിരാട് കോലി, രോഹിത് ശര്മ, ശ്രേയസ്സ് അയ്യര് എന്നിവരാണ് നേരത്തേ 400 റണ്സ് തികച്ച താരങ്ങള്. ഒരു ലോകകപ്പില് ഇതാദ്യമായാണ് നാല് ഇന്ത്യന് താരങ്ങള് 400-റണ്സിലധികം റണ്സ് നേടുന്നത്.
35-ാം ഓവറിലാണ് താരം അര്ധസെഞ്ചുറി നേടുന്നത്. 86-പന്തില് നിന്ന് അര്ധസെഞ്ചുറി നേടിയ രാഹുല് ഇന്ത്യന് സ്കോര് 200-കടത്തി. 107 പന്തില് നിന്ന് 66 റണ്സെടുത്താണ് താരം മടങ്ങിയത്. ഈ ടൂര്ണമെന്റില് ഒരു സെഞ്ചുറി നേടിയ രാഹുലിന്റെ രണ്ടാം അര്സെഞ്ചുറിയാണിത്. താരം ഏറ്റവും മികച്ച പ്രകടനം കാഴ്ചവെച്ച ലോകകപ്പ് കൂടിയാണിത്. 2019-ലോകകപ്പില് 361 റണ്സാണ് താരം നേടിയത്.
Content Highlights: kl rahul completes 400 world cup runs
Published: 19 Nov 2023, 05:16 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented