ദുബായ്: യു.എ.ഇ ദേശീയ പാസഞ്ചർ റെയിൽ ശൃംഖലയായ ഇത്തിഹാദ് റെയിൽ സെപ്റ്റംബർ 30 ബുധനാഴ്ച മുതൽ ദുബായിൽ സർവീസ് ആരംഭിക്കുന്നു. ദുബായിലെ ആദ്യ ഇത്തിഹാദ് റെയിൽ പാസഞ്ചർ സ്റ്റേഷനായ 'അൽ യലായീസ്' അന്നേദിവസം പ്രവർത്തനസജ്ജമാകും. കഴിഞ്ഞ ജൂൺ 30-ന് ആരംഭിച്ച അബുദാബി-ഫുജൈറ റൂട്ടിന് ശേഷമുള്ള അടുത്ത പ്രധാന ഘട്ടമാണിത്. ഇതോടെ ദുബായ് അൽ യലായീസിൽ നിന്ന് അബുദാബിയിലെ മുഹമ്മദ് ബിൻ സായിദ് സിറ്റിയിലേക്ക് കേവലം 57 മിനിറ്റുകൊണ്ട് തീവണ്ടി മാർഗ്ഗം എത്തിച്ചേരാൻ സാധിക്കും. സെപ്റ്റംബർ 30-ന് തന്നെ ഷാർജയിലെ അൽ ദൈദിലേക്കും സർവീസ് വ്യാപിപ്പിക്കുന്നുണ്ട്.

അൽ യലായീസ് സ്റ്റേഷന്റെ സവിശേഷതകളും ലൊക്കേഷനും
ജുമൈറ ഗോൾഫ് എസ്റ്റേറ്റ്സിന് സമീപം ശൈഖ് മുഹമ്മദ് ബിൻ സായിദ് റോഡിനോട് (ഇ311) ചേർന്നാണ് പുതിയ സ്റ്റേഷൻ സ്ഥിതി ചെയ്യുന്നത്. അൽ ഫുർജാൻ, ദുബായ് ഇൻവെസ്റ്റ്മെന്റ് പാർക്ക് (ഡി.ഐ.പി), ഗ്രീൻ കമ്മ്യൂണിറ്റി, ദുബായ് പ്രൊഡക്ഷൻ സിറ്റി, എക്സ്പോ സിറ്റി ദുബായ്, ദുബായ് സൗത്ത് എന്നീ പ്രമുഖ റെസിഡൻഷ്യൽ, വാണിജ്യ മേഖലകളിലുള്ളവർക്ക് സ്റ്റേഷൻ ഏറെ സൗകര്യപ്രദമായിരിക്കും. അൽ യലായീസ് സ്റ്റേഷനെയും സമീപത്തുള്ള ജുമൈറ ഗോൾഫ് എസ്റ്റേറ്റ്‌സ് മെട്രോ സ്റ്റേഷനെയും (റെഡ് ലൈൻ) തമ്മിൽ ബന്ധിപ്പിക്കുന്ന പ്രത്യേക കാൽനടപ്പാലം നിർമ്മിക്കുന്നുണ്ട്. ഇത് മെട്രോ യാത്രക്കാർക്ക് ഇത്തിഹാദ് റെയിലിലേക്ക് മാറുന്നത് എളുപ്പമാക്കും.
അൽ മക്തും അന്താരാഷ്ട്ര വിമാനത്താവളത്തിലേക്ക് (ഡി.ഡബ്ല്യു.സി) ഇവിടെനിന്ന് റോഡ് മാർഗ്ഗം 30 മിനിറ്റ് സമയം മാത്രമേ ആവശ്യമുള്ളൂ.

To advertise here,

ടിക്കറ്റ് നിരക്കുകളും ഓഫറുകളും
ആദ്യഘട്ട പ്രമോഷണൽ നിരക്കിൽ സാധാരണ ടിക്കറ്റ് തുകയുടെ പകുതി നിരക്കിലാണ് സർവീസ് ആരംഭിക്കുന്നത്:
കംഫർട്ട് ക്ലാസ്: 55 ദിർഹം മുതൽ
പ്രീമിയം ക്ലാസ്: 120 ദിർഹം മുതൽ
ഇളവുകൾ: 2 മുതൽ 17 വയസ്സ് വരെയുള്ള കുട്ടികൾക്ക് 50 ശതമാനം ഇളവും, 60 വയസ്സിന് മുകളിലുള്ള മുതിർന്ന പൗരന്മാർക്ക് 20 ശതമാനം ഇളവും ലഭിക്കും. രണ്ട് വയസ്സിൽ താഴെയുള്ള കുട്ടികൾക്ക് സൗജന്യമാണ്.
ടിക്കറ്റ് ബുക്കിംഗ്: ഇത്തിഹാദ് റെയിലിന്റെ മൊബൈൽ ആപ്പ്, ഔദ്യോഗിക വെബ്സൈറ്റ് എന്നിവ വഴി ബുക്ക് ചെയ്യാം.
ദുബായിൽ ഭാവിയിൽ നാല് സ്റ്റേഷനുകൾ
ദേശീയ പാസഞ്ചർ നെറ്റ്വർക്കുകളായ അൽ യലായീസ്, മെയ്ദാൻ എന്നിവയും അൽ മക്തും അന്താരാഷ്ട്ര വിമാനത്താവളം, അൽ ജദ്ദാഫ് എന്നിവിടങ്ങളിൽ 2030 ഓടെ വരാനിരിക്കുന്ന
അബുദാബിയെയും ദുബായിയെയും 30 മിനിറ്റുകൊണ്ട് ബന്ധിപ്പിക്കുന്ന ഹൈ-സ്പീഡ് റെയിൽ പദ്ധതി എന്നിങ്ങനെ ഭാവിയിൽ ദുബായിൽ ഇത്തിഹാദ് റെയിലുമായി ബന്ധപ്പെട്ട് ആകെ നാല് സ്റ്റേഷനുകൾ ഉണ്ടാകുമെന്ന് ആർ.ടി.എ ചെയർമാൻ മത്തർ അൽ തായർ വ്യക്തമാക്കി. മൊത്തം 900 കിലോമീറ്റർ ദൈർഘ്യമുള്ള ഇത്തിഹാദ് റെയിൽ പാസഞ്ചർ ശൃംഖല പൂർണ്ണസജ്ജമാകുന്നതോടെ രാജ്യത്തെ വിവിധ എമിറേറ്റുകൾ തമ്മിലുള്ള യാത്ര സുഗമവും വേഗമേറിയതുമായി മാറും.
അടുത്ത ഘട്ടങ്ങളിലെ സ്റ്റേഷൻ ഉദ്ഘാടനങ്ങൾ

2026 നവംബർ 30: മദീനത്ത് സായിദ്, ലീവ
2026 ഡിസംബർ 30: അൽ സില, അൽ ധന്ന, അൽ മിർഫ
2027 മാർച്ച് 30: ഷാർജ യൂണിവേഴ്സിറ്റി സിറ്റി