മസ്‌കറ്റ്: മസ്‌കറ്റില്‍ നിന്ന് കോഴിക്കോട് ഉള്‍പ്പെടെ നിരവധി അന്താരാഷ്ട്ര ലക്ഷ്യസ്ഥാനങ്ങളിലേക്ക് 19.99 റിയാല്‍ മുതല്‍ വണ്‍വേ ടിക്കറ്റ് നിരക്കുമായി ഒമാന്റെ ബജറ്റ് എയര്‍ലൈനായ സലാം എയര്‍. പരിമിതകാലത്തേക്കാണ് ഈ പ്രമോഷന്‍ ഓഫര്‍ സലാം എയര്‍ പ്രഖ്യാപിച്ചത്. മസ്‌കറ്റില്‍ നിന്ന് 20-ലധികം സ്ഥലങ്ങളിലേക്കാണ് വണ്‍വേ യാത്രയ്ക്ക് വന്‍ കിഴിവുകള്‍ നല്‍കുന്ന എക്സ്‌ക്ലൂസീവ് 'ബ്രേക്കിംഗ് ഫെയേഴ്സ്' ക്യാംപെയിന്‍ സലാം എയര്‍ ആരംഭിച്ചത്. എയര്‍ലൈനിന്റെ ലൈറ്റ് ഫെയര്‍ വിഭാഗത്തില്‍ 5 കിലോഗ്രാം ഹാന്‍ഡ് ലഗേജ് ഈ നിരക്കില്‍ അനുവദിക്കും.
ഇന്ത്യ, പാകിസ്ഥാന്‍ നഗരങ്ങള്‍ കൂടാതെ, ജിസിസിയിലെയും പ്രധാന നഗരങ്ങളിലേക്ക് പ്രമോഷന്‍ നിരക്കുകള്‍ നല്‍കുന്നുണ്ട്. ബാംഗ്ലൂര്‍, കോഴിക്കോട്, ചെന്നൈ, ഡല്‍ഹി, ഹൈദരാബാദ്, ലാഹോര്‍, ഇസ്ലാമാബാദ്, കറാച്ചി, ദോഹ, ദുബായ്, ദമ്മാം തുടങ്ങിയ സ്ഥലങ്ങളിലേക്ക് 19.99 റിയാല്‍ നിരക്കില്‍ ടിക്കറ്റ് ലഭിക്കും. കൂടാതെ, കെയ്റോ (സ്ഫിങ്സ് വിമാനത്താവളം), കുവൈത്ത് എന്നിവിടങ്ങളിലേക്ക് പറക്കുന്ന യാത്രക്കാര്‍ക്ക് 24.99 റിയാല്‍ മുതല്‍ ആരംഭിക്കുന്ന പ്രത്യേക നിരക്കുകള്‍ ആവും ലഭിക്കുക.
ഒക്ടോബര്‍ 1 നും നവംബര്‍ 30 നും ഇടയില്‍ യാത്ര ചെയ്യുന്നതിനായി ഓഗസ്റ്റ് 24 മുതല്‍ 28 വരെ ബുക്ക് ചെയ്യുന്ന ടിക്കറ്റുകള്‍ക്കാണ് ഈ നിരക്കുകള്‍ ലഭിക്കുക.
Content Highlights: SalamAir offers incredible one-way fares from Muscat to various international destinations
Published: 25 Aug 2025, 05:13 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented