സലാല: ഒമാന് സലാലയിലെ മസ്യൂനയില് മാന്ഹോളില് വീണ് ചികിത്സയിലായിരുന്ന മലയാളി നഴ്സ് മരിച്ചു. മാന്ഹോളില് വീണ് ഗുരുതരാവസ്ഥയിലായിരുന്ന കോട്ടയം പാമ്പാടി കങ്ങഴ കാഞ്ഞിരപ്പാറ സ്വദേശിനി ലക്ഷ്മി വിജയകുമാര് (34) ആണ് സുല്ത്താന് ഖാബൂസ് ആശുപത്രിയില് ചികിത്സയിലിരിക്കെ മരണപ്പെട്ടത്. ഒമാന് ആരോഗ്യ മന്ത്രാലയത്തില് സ്റ്റാഫ് നഴ്സായിരുന്നു.
മെയ് 13 നാണ് മസ്യൂനയില് അപകടമുണ്ടായത്. താമസസ്ഥലത്തെ മാലിന്യം കളയാന് മുനിസിപ്പാലിറ്റിയുടെ വേസ്റ്റ് ബിന്നിന് അരികിലേക്ക് പോകുമ്പോള് അബദ്ധത്തില് മാന്ഹോളില് വീഴുകയായിരുന്നു. ഉടന് ആശുപത്രിയിലെത്തിച്ചെങ്കിലും അന്ന് മുതല് വെന്റിലേറ്ററില് ചികിത്സയിലായിരുന്നു. വിവരമറിഞ്ഞ് ഭര്ത്താവ് ദിനരാജും സഹോദരന് അനൂപും സലാലയിലെത്തിയിരുന്നു. നടപടികള്ക്കുശേഷം മൃതദേഹം നാട്ടിലേക്ക് കൊണ്ടുപോകുമെന്ന് കോണ്സുലാര് ഏജന്റ് ഡോ: കെ. സനാതനന് അറിയിച്ചു. മകള് നിള. പാമ്പാടി കമലാലയത്തില് വിജയകുമാറിന്റെയും ഓമനയുടെയും മകളാണ്.
Content Highlights: A Kottayam native, Lakshmi Vijayakumar, died in Oman after falling into a manhole.
Published: 25 May 2025, 06:33 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented