മിഷിഗണ്‍: ഹ്രസ്വസന്ദര്‍ശനത്തിനായി അമേരിക്കയില്‍ എത്തിയ മലങ്കര മാര്‍ത്തോമ്മാ സുറിയാനി സഭയുടെ പരമാധ്യക്ഷന്‍ ഡോ.തിയഡോഷ്യസ് മാര്‍ത്തോമ്മാ മെത്രാപ്പോലീത്തായെ ഡിട്രോയിറ്റ് മെട്രോ എയര്‍പോര്‍ട്ടില്‍ സ്വീകരിച്ചു. ഡിട്രോയിറ്റ് മാര്‍ത്തോമ്മാ ഇടവക വികാരി സന്തോഷ് വര്‍ഗീസ്, സെന്റ് ജോണ്‍സ് മാര്‍ത്തോമ്മാ ഇടവക വികാരി ജെസ്വിന്‍ ജോണ്‍, ഭദ്രാസന കൗണ്‍സില്‍ അംഗം ബോബന്‍ ജോര്‍ജ്, ഡിട്രോയിറ്റ് മാര്‍ത്തോമ്മാ ഇടവക സെക്രട്ടറി വിനോദ് തോമസ്, മുന്‍ ഭദ്രാസന കൗണ്‍സില്‍ അംഗം അലന്‍ജി ജോണ്‍, യൂത്ത് ഗ്രൂപ്പ് ലീഡര്‍ ജോഷ്വ തോമസ് എന്നിവരുടെ നേതൃത്വത്തില്‍ സ്വീകരണം നല്‍കി.
മിഡ്വെസ്റ്റ് റീജിയനിലെ പ്രവര്‍ത്തനങ്ങള്‍ ഏകോപിപ്പിക്കുന്നതിനായി രൂപം നല്‍കിയ മിഡ്വെസ്‌ററ് റീജയണല്‍ ആക്ടിവിറ്റീസ് കമ്മിറ്റിയുടെ പ്രവര്‍ത്തനോദ്്ഘാടനം മാര്‍ച്ച് 23 ന് ഡോ.തിയഡോഷ്യസ് മാര്‍ത്തോമ്മാ മെത്രാപ്പോലീത്താ നിര്‍വഹിക്കും. ഷിക്കാഗോ മാര്‍ത്തോമ്മാ പള്ളിയില്‍ നടക്കുന്ന ഉദ്ഘാടന സമ്മേളനത്തില്‍ മിഡ്വെസ്‌ററ് റീജയനിലെ വിവിധ ഇടവകകളില്‍ നിന്നുള്ള വികാരിമാരും അംഗങ്ങളും പങ്കെടുക്കും. അതോടൊപ്പം ഡിട്രോയിറ്റ് മാര്‍ത്തോമ്മാ പള്ളിയില്‍ നടക്കുന്ന വലിയ നോമ്പ് പ്രാര്‍ത്ഥനകള്‍ക്കും മാര്‍ത്തോമ്മാ മെത്രാപ്പോലീത്താ നേതൃത്വം നല്‍കും.
വാര്‍ത്തയും ഫോട്ടോയും : അലന്‍ ചെന്നിത്തല
Content Highlights: reception
Published: 21 Mar 2025, 03:16 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented