ദുബായ്: പശ്ചിമേഷ്യൻ സംഘർഷത്തിന്റെ പശ്ചാത്തലയിൽ യുഎഇയിൽ പെട്രോളിന്റേയും ഡീസലിന്റേയും വില വർധിപ്പിച്ചു. തുടർച്ചയായി രണ്ടാം മാസമാണ് രാജ്യത്ത് ഇന്ധനവില വർധിപ്പിക്കുന്നത്. ഡീസൽ ലിറ്ററിന് 50 ഫിൽസാണ് വർധിപ്പിച്ചത്. ഇതോടെ ഒരു ലിറ്റർ ഡീസലിന് 4 ദിർഹം 30 ഫിൽസായി വില ഉയർന്നു.

To advertise here,

ഇറാൻ-അമേരിക്ക സംഘർഷം വീണ്ടും ശക്തമാകുകയും ആഗോള വിപണിയിൽ ഇന്ധനവില 90 ഡോളർ കടക്കുകയും ചെയ്ത സാഹചര്യത്തിലാണ് യുഎഇയിലും ഇന്ധനവില കൂട്ടിയത്. പെട്രോൾ ലിറ്ററിന് 20 ഫിൽസ് വീതമാണ് വർധിപ്പിച്ചത്. ഇതോടെ സൂപ്പർ പെട്രോളിന്റെ വില 3 ദിർഹം 60 ഫിൽസിൽ നിന്നും 3 ദിർഹം 80 ഫിൽസ് ആകും. സ്‌പെഷ്യൽ പെട്രോൾ വില 3 ദിർഹം 49 ഫിൽസിൽ നിന്നും 3 ദിർഹം 69 ഫിൽസായാണ് വർധിക്കുക. ഇ പ്ലസ് പെട്രോൾ ലിറ്ററിന് 3.41 ദിർഹം ഉണ്ടായിരുന്നത് ഇനി 3.61 ദിർഹമാകും.

തിങ്കളാഴ്ച അർധരാത്രി മുതൽ പുതിയ നിരക്കുകൾ പ്രാബല്യത്തിൽ വരും. ഡീസൽ വിലയിൽ വലിയ വർധനയുണ്ടായത് ചരക്കു നീക്കം ചെലവേറിയതാക്കും. ഒപ്പം ബസ്, ടാക്‌സി സർവ്വീസുകളേയും വിലവർധന ബാധിക്കും.