മനാമ: ലോക പരിസ്ഥിതി ദിനാചരണത്തിന്റെ ഭാഗമായി ബഹ്റൈന്‍ കേരളീയ സമാജം സമാജം അങ്കണത്തില്‍ വൃക്ഷതൈകള്‍ നട്ടു. സമാജം അസിസ്റ്റന്റ് സെക്രട്ടറി മഹേഷ് ജി. പിള്ള ചടങ്ങിന് നേതൃത്വം നല്‍കി. സമാജത്തിന്റെ ഗാര്‍ഡന്‍ ക്ലബ് സംഘടിപ്പിച്ച പരിപാടിയില്‍ സമാജം വൈസ് പ്രസിഡന്റ് ദിലീഷ് കുമാര്‍ വി.എസ്., ട്രഷറര്‍ ദേവദാസ് കുന്നത്ത്, മുന്‍ ഭരണ സമിതി അംഗം വറുഗീസ് ജോര്‍ജ്ജ്, ഗാര്‍ഡന്‍ ക്ലബ് കണ്‍വീനര്‍ അശോക് കുമാര്‍, ഗാര്‍ഡന്‍ ക്ലബ് കമ്മിറ്റി അംഗങ്ങള്‍, സമാജം അംഗങ്ങള്‍ തുടങ്ങിയവര്‍ പങ്കെടുത്തു.
മനുഷ്യന്‍ പ്രകൃതിയെ സംരക്ഷിക്കുന്നുണ്ടെങ്കിലും കുറച്ചു കൂടെ കാര്യക്ഷമമായി ഇടപെടുന്നതിന്റെ ആവശ്യകത ഉയര്‍ത്തിപ്പിടിക്കുന്നതിനായി പരിസ്ഥിതി ദിനാചരണം മാറേണ്ടതാണ് എന്ന് സമാജം വൈസ് പ്രസിഡന്റ് അഭിപ്രായപ്പെട്ടു. വൃക്ഷതൈകള്‍ നട്ടതിലൂടെ പരിസ്ഥിതി സംരക്ഷണത്തില്‍ സമാജത്തിന്റെ പങ്ക് കൂടുതല്‍ ശക്തിപ്പെടുത്താന്‍ സമാജം പ്രതിജ്ഞാബദ്ധമായി എന്ന് സമാജം ട്രഷറര്‍ ദേവദാസ് കുന്നത്ത് അറിയിച്ചു.
Content Highlights: Bahrain Keraleeya Samajam observed world environment day
Published: 06 Jun 2025, 04:25 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented