ന്യൂജേഴ്‌സി: ഊബര്‍ ഈറ്റ്‌സ് വഴി ഭക്ഷണം ഓര്‍ഡര്‍ ചെയ്തയാള്‍ക്ക് ലഭിച്ചത് കഞ്ചാവ്. ന്യൂജേഴ്‌സിയിലെ ഒരു വനിതാ ഡ്രൈവര്‍ക്കാണ് ഓര്‍ഡര്‍ ചെയ്ത ബറീറ്റോ എന്ന വിഭവത്തിന് പകരം കഞ്ചാവ് ലഭിച്ചത്. കാംഡന്‍ കൗണ്ടിയിലെ വാഷിങ്ടണ്‍ ടൗണ്‍ഷിപ്പിലാണ് സംഭവം.
കഴിഞ്ഞ വെള്ളിയാഴ്ചയാണ് വനിതാ ഡ്രൈവര്‍ ഊബര്‍ ഈറ്റ്‌സ് വഴി ബറീറ്റോ ഓർഡർ ചെയ്തത്. ബറീറ്റോ, സൂപ്പ്, വാട്ടര്‍ ബോട്ടില്‍ എന്നിവയായിരുന്നു ഓര്‍ഡര്‍ ചെയ്തിരുന്നത്. ഭക്ഷണ പാക്കറ്റ് ലഭിച്ചതിനു പിന്നാലെ അസാധാരണമായ മണം ഇവരുടെ ശ്രദ്ധയിൽ പെടുകയായിരുന്നു. ബറീറ്റോ പൊതിയുന്നതിന് സമാനമായി തന്നെയാണ് കഞ്ചാവും പൊതിഞ്ഞിരുന്നത്.
തുടർന്ന് വനിതാ ഡ്രൈവര്‍ പോലീസ് അധികൃതരെ വിവരമറിയിച്ചു. സംഭവത്തില്‍ കേസെടുത്ത പോലീസ് അന്വേഷണം ആരംഭിച്ചിട്ടുണ്ട്. ഊബര്‍ ഈറ്റ്‌സ് ഡെലിവറി സംവിധാനം ദുരുപയോഗം ചെയ്ത് മയക്കുമരുന്നുകൾ കൈമാറ്റം നടക്കുന്നതായി പോലീസ് പറയുന്നു.
മരുന്ന്, ലഹരിപദാര്‍ത്ഥങ്ങള്‍, മദ്യം എന്നിവ ഡെലിവറി ചെയ്യുന്നത് ഊബര്‍ ഈറ്റ്‌സിന്റെ നയപ്രകാരം നിയമവിരുദ്ധമാണ്. സംഭവം കൃത്യമായി അധികൃതരെ അറിയിച്ച വനിതാ ഡ്രൈവറെ ഊബര്‍ ഈറ്റ്‌സ് അഭിനന്ദിച്ചു.
Content Highlights: woman finds marijuana instead of burrito in package of uber eats
Published: 27 Nov 2024, 06:56 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented