വാഷിങ്ടണ്: ഭീകരവാദവുമായി ബന്ധപ്പെട്ട കുറ്റകൃത്യത്തിന് ജയില്ശിക്ഷ അനുഭവിച്ച വ്യക്തി ഉള്പ്പെടെ യുഎസില്നിന്നുള്ള രണ്ടുപേരെ വൈറ്റ്ഹൗസ് ഉപദേശകസമിതിയിലേക്ക് നിയമിച്ച് ഡൊണാള്ഡ് ട്രംപ് ഭരണകൂടം. ഇസ്മായില് റോയര്, ഹംസ യൂസുഫ് എന്നിവരെയാണ് റിലീജിയസ് ഫ്രീഡം കമ്മിഷന്റെ ഉപദേശക സമിതിയില് അംഗങ്ങളാക്കിയത്.
2000-ല് പാകിസ്താനില് നടന്ന ലഷ്കറെ തൊയ്ബയുടെ പരിശീലന ക്യാമ്പില് പങ്കെടുത്തിട്ടുള്ളയാളാണ് ഇസ്മായില്. ഭീകരവാദവുമായി ബന്ധപ്പെട്ട കുറ്റത്തിന് 13 കൊല്ലത്തോളം ഇയാള് ജയില്ശിക്ഷയും അനുഭവിച്ചിട്ടുണ്ട്. യുഎസിനെതിരേ യുദ്ധ ആസൂത്രണം, അല് ഖ്വയ്ദയ്ക്കും ലഷ്കറെ തൊയ്ബയ്ക്കും സഹായം നല്കല് തുടങ്ങിയ കുറ്റങ്ങളാണ് 2003-ല് ഇസ്മായിലിനെതിരേ ചുമത്തപ്പെട്ടിരുന്നത്. 2004-ല് കുറ്റം സമ്മതിച്ച ഇസ്മായിലിന് 20 കൊല്ലത്തെ ശിക്ഷ ലഭിച്ചു. 13 കൊല്ലം ഇയാള് ശിക്ഷ അനുഭവിച്ചതായി ദ വാഷിങ്ടണ് പോസ്റ്റ് റിപ്പോര്ട്ട് ചെയ്യുന്നു.
സേയ്ടുണ കോളേജിന്റെ സഹസ്ഥാപകനായ ഷേഖ് ഹംസ യൂസുഫിനും ജിഹാദികളുമായും നിരോധിത ഭീകരസംഘടനകളുമായും ബന്ധമുണ്ടെന്ന് വിമര്ശനം ഉയര്ന്നിട്ടുണ്ട്. നിലവില് റിലീജിയസ് ഫ്രീഡം ഇന്സ്റ്റിറ്റ്യൂട്ടിലെ ഇസ്ലാം ആന്ഡ് റിലീജിയസ് ഫ്രീഡം ആക്ഷന് ടീം ഡയറക്ടറാണ് ഇസ്മായില്. 2000-ല് ആണ് ഇയാള് ഇസ്ലാം മതം സ്വീകരിച്ചത്. മുന്പ് റെന്ഡെല് റോയര് എന്നായിരുന്നു പേര്. ഇസ്മായിലിന്റെ നിയമനത്തെ 'ഭ്രാന്ത്' എന്നാണ് ട്രംപിന്റെ അടുത്ത അനുയായി ആയ ലാറ ലൂമര് വിശേഷിപ്പിച്ചത്.
Content Highlights: two including man who recieved training lashkar e taiba appointed to white house panel
Published: 18 May 2025, 12:22 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented