ഓസ്റ്റിന്‍(ടെക്‌സസ്): അല്‍ ഖ്വയ്ദ മുന്‍ തലവന്‍ ഒസാമ ബിന്‍ ലാദനെ വധിക്കാന്‍ നിയോഗിക്കപ്പെട്ട സംഘത്തിലെ അംഗവും ഭീകരവാദി നേതാവിനെ വെടിവച്ചു കൊന്നത് താനാണെന്ന് അവകാശപ്പെടുന്ന വ്യക്തിയുമായ യു.എസ്. മുന്‍ സേനാംഗം റോബേര്‍ട്ട് ജെ. ഒ നീല്‍ ടെക്‌സസില്‍ അറസ്റ്റില്‍. പൊതുസ്ഥലത്ത് മദ്യപിച്ച് പ്രശ്‌നമുണ്ടാക്കിയതിനും ദേഹോപദ്രവം ഏല്‍പ്പിച്ചതിനുമാണ് ഇയാളെ പോലീസ് പിടികൂടിയത്. പിന്നീട് 3500 ഡോളറിന്റെ ജാമ്യത്തില്‍ ഇയാളെ വിട്ടയച്ചു.
2013-ല്‍ ഒരു മാധ്യമത്തിനു നല്‍കിയ അഭിമുഖത്തിലാണ് ഓപ്പറേഷന്‍ നെപ്ട്യൂണ്‍ സ്പിയറിലൂടെ ലാദനെ വധിച്ചത് താനാണ് എന്ന അവകാശവാദവുമായി റോബേര്‍ട്ട് രംഗത്തെത്തിയത്. എന്നാല്‍ റോബേര്‍ട്ടിന്റെ വാദം തള്ളിക്കളയാനോ സ്ഥിരീകരിക്കാനോ യു.എസ്. സര്‍ക്കാര്‍ തയ്യാറായില്ല.
ഇതാദ്യമായല്ല മദ്യപിച്ച് പ്രശ്‌നമുണ്ടാക്കിയതിന് ഇയാള്‍ക്കെതിരെ കേസെടുക്കുന്നത്. 2016-ല്‍ മദ്യപിച്ച് വാഹനമോടിച്ചതിന് അറസ്റ്റിലായിരുന്നു. 2020-ല്‍ കോവിഡ് കാലത്ത് മാസ്‌ക് വെയ്ക്കാന്‍ വിസമ്മതിച്ചതിന് ഡെല്‍റ്റ എയര്‍ലൈന്‍സ് ഇയാള്‍ക്ക് വിലക്കേര്‍പ്പെടുത്തുകയും ചെയ്തിരുന്നു.
Content Highlights: Robert O’Neill who killed Osama bin Laden arrested in Texas
Published: 27 Aug 2023, 10:58 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented