തിരുവനന്തപുരം: സംസ്ഥാനത്ത് കോവിഡ് പ്രതിദിന കണക്കുകള് ഔദ്യോഗികമായി പ്രസിദ്ധീകരിക്കുന്നത് സംസ്ഥാന സര്ക്കാര് അവസാനിപ്പിച്ചു. കോവിഡ് പ്രതിദിന കേസുകള് ഗണ്യമായി കുറഞ്ഞതോടെയാണ് ഇത്തരമൊരു തീരുമാനത്തിലേക്ക് ആരോഗ്യവകുപ്പ് എത്തിയത്. രണ്ട് വര്ഷത്തിലധികമായി നടന്നുവന്നിരുന്ന പ്രക്രിയ അവസാനക്കുമ്പോള് അത് സംസ്ഥാനത്തിന് ആശ്വാസംകൂടിയാണ്.
അതേസമയം, സര്ക്കാര് തലത്തില് പരിശോധനകളും കോവിഡ് കേസുകളുടെ കണക്കെടുപ്പും തുടരും.
2020 ജനുവരി 30-ന് ആണ് രാജ്യത്തുതന്നെ ആദ്യത്തെ കോവിഡ് കേസ് സ്ഥിരീകരിച്ചത്. ചൈനയില് നിന്ന് മടങ്ങിയെത്തിയ തൃശ്ശൂര് സ്വദേശിനിയാണ് ആദ്യമായി പോസിറ്റീവായത്. അതിന് ശേഷം ഞായറാഴ്ചവരെ ഔദ്യോഗികമായി ഓരോ ദിവസത്തേയും കോവിഡ് കണക്കുകള് വിശദമായി പ്രസിദ്ധീകരിച്ചിരുന്നു. പോസിറ്റീവ് കേസുകള്, നെഗറ്റീവ് കേസുകള്, മരണ നിരക്ക്, നിരീക്ഷണത്തില് കഴിയുന്നവര്, പരിശോധിച്ച സാമ്പിളുകളുടെ എണ്ണം എന്നിവ ഉള്പ്പെടുത്തിയായിരുന്നു പ്രതിദിന കണക്കുകള് പ്രസിദ്ധീകരിച്ചിരുന്നത്.
എല്ലാ ദിവസവും പ്രതിദിന കണക്കുകള് വാര്ത്താക്കുറിപ്പായി എത്തിയിരുന്നത് അവസാനിപ്പിച്ചതായി ആരോഗ്യവകുപ്പ് അറിയിച്ചു. സംസ്ഥാനത്ത് പ്രതിദിന കേസുകള് രണ്ടാം തരംഗത്തിലും മൂന്നാം തരംഗത്തിലും അമ്പതിനായിരത്തോളം പ്രതിദിന കേസുകളുണ്ടായിരുന്നു. എന്നാല് ഇപ്പോഴത് 200 മുതല് 300 വരെയായി കുറഞ്ഞു. ടെസ്റ്റ് പോസിറ്റിവിറ്റി നിരക്ക് കുറഞ്ഞതും ആരോഗ്യവകുപ്പിന്റെ തീരുമാനത്തിന് കാരണമായി.
Content Highlights: state government wont publish daily covid updates from today onwards
Published: 11 Apr 2022, 05:42 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented