വിഴിഞ്ഞം: തിരുവനന്തപുരം കോട്ടുകാലിൽ യുവാവിനെ വീടിനുളളിൽ തൂങ്ങിമരിച്ച നിലയിൽ കണ്ടെത്തി. കോട്ടുകാൽ പയറ്റുവിള പുലിവിള കൈത്തറി സൊസൈറ്റിക്ക് സമീപം പരേതനായ വിജുവിന്റെയും ശോഭനയുടെയും മകൻ ശരൺ (26) ആണ് മരിച്ചത്. ഇൻസ്റ്റിറ്റ്യൂട്ട് ഓഫ് മാനേജ്മെന്റിൽ ഇലക്ട്രീഷ്യനായി ജോലി ചെയ്യുകയായിരുന്നു ശരൺ.
ശരണിന്റെ അമ്മ ശോഭന ഉച്ചക്കടയ്ക്ക് അടുത്തുളള കല്യാണമണ്ഡപത്തിൽ ജോലിക്കും സഹോദരൻ ശരത് പുറത്തേക്കും പോയ സമയത്താണ് സംഭവം നടന്നത്. ഇവർ രാത്രിയോടെ വീട്ടിലെത്തിയപ്പോൾ മുൻവാതിൽ അകത്തുനിന്ന് പൂട്ടിയ നിലയിലായിരുന്നു. ഇരുവരും ചേർന്ന് വാതിൽ തുറക്കാൻ ശ്രമിച്ചുവെങ്കിലും നടന്നില്ല. പിന്നാലെ, ഇവർ നാട്ടുകാരെ വിളിച്ചുകൂട്ടി.
ഓടിക്കൂടിയവരുടെ സഹായത്തോടെ പൂട്ടുതകർത്ത് വീടിനുളളിൽ കയറിയപ്പോഴാണ് ശരണിനെ മരിച്ചനിലയിൽ കണ്ടത്. ഉടൻതന്നെ വിഴിഞ്ഞം പോലീസിൽ വിവരം അറിയിച്ചു. വീടിനുളളിലെ സൺഷെയ്ഡിലെ ക്ലാമ്പിൽ തൂങ്ങി നിൽക്കുന്ന വിധത്തിലാണ് മൃതദേഹം കണ്ടെത്തിയത്. തോർത്തുപയോഗിച്ച് കൈകൾ പിന്നിൽകെട്ടിയ നിലയിലായിരുന്നു.
പിന്നാലെ, ബന്ധുക്കളും നാട്ടുകാരും മരണത്തിൽ ദുരുഹതയാരോപിച്ച് രംഗത്തെത്തി. എന്നാൽ, പോലീസ് നടത്തിയ മൃതദേഹ പരിശോധനയിലും മെഡിക്കൽകോളേജ് ആശുപത്രിയിൽ നടത്തിയ പോസ്റ്റുമാർട്ടത്തിലും തൂങ്ങിമരണമാണെന്ന് സ്ഥിരീകരിച്ചു.
ശരണിന്റെ മൊബൈൽ ഫോൺ പരിശോധനയ്ക്കായി വിഴിഞ്ഞം പോലീസ് കസ്റ്റഡിയിലെടുത്തു. മരണത്തിൽ ദുരുഹതയില്ലെന്ന് എസ്.ഐ. എം. പ്രശാന്ത് അറിയിച്ചു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. അത്തരം ചിന്തകളുളളപ്പോൾ 'ദിശ' ഹെൽപ് ലൈനിൽ വിളിക്കുക: 1056, 0471-2552056)
Content Highlights: A young man named Sharon was found dead by hanging inside his home in Kottukal, Thiruvananthapuram, while his family was away. The incident was discovered when his mother and brother returned home to find the door locked from the inside, prompting them to seek help from neighbors to gain entry. Despite initial suspicions from relatives and locals, police investigations and a post-mortem confirmed it as a case of suicide, with no foul play involved.
Published: 19 Nov 2026, 06:25 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented