പുണെ: മഹാരാഷ്ട്രയിലെ പുണെയിൽ കർഷകൻ വിൽക്കാനായി ട്രക്കിൽ സൂക്ഷിച്ചിരുന്ന 400 കിലോഗ്രാം തക്കാളി മോഷണംപോയി. പിംപാർഖേഡ് ഗ്രാമത്തിൽനിന്നുള്ള കർഷകനായ അരുൺ ധോമിന്റെ തക്കാളിയാണ് മോഷണംപോയത്. കഴിഞ്ഞ 17-നാണ് സംഭവം നടന്നത്. ഷിരൂർ പോലീസ് സ്റ്റേഷനിൽ കർഷകൻ മോഷണത്തെക്കുറിച്ച് പരാതിനൽകിയിട്ടുണ്ട്.

To advertise here,

ട്രക്കിൽ 20 പെട്ടി തക്കാളി ഉണ്ടായിരുന്നതായി പരാതിയിൽ പറയുന്നു. രാത്രി 11-ന് നോക്കിയപ്പോൾ പെട്ടികൾ വണ്ടിയിൽ ഉണ്ടായിരുന്നതായി കർഷകൻപറയുന്നു. പിറ്റേന്ന് രാവിലെ ആറിന് വാഹനത്തിൽ പെട്ടികൾകണ്ടില്ല. സമീപ പ്രദേശങ്ങളിൽ തിരച്ചിൽനടത്തിയെങ്കിലും കണ്ടെത്താൻ കഴിഞ്ഞില്ലെന്നും പരാതിയിൽ പറഞ്ഞു.

16-ന് വൈകുന്നേരത്തോടെയാണ് ധോമിന്റെ കുടുംബം തക്കാളി വിളവെടുത്തത്. അടുത്തദിവസം അതിരാവിലെ മാർക്കറ്റിലേക്ക് കൊണ്ടുപോകുന്നതിനായി പെട്ടികൾ ട്രക്കിൽനിറച്ച് വീട്ടിലേക്ക് കൊണ്ടുവന്നതാണെന്നും അദ്ദേഹം പറഞ്ഞു.