തിരുവനന്തപുരം: ഡല്‍ഹിയിലെ അറിയപ്പെടുന്ന മാധ്യമപ്രവര്‍ത്തകനും മാതൃഭൂമിയുടെ ഡല്‍ഹിയിലെ പ്രത്യേക പ്രതിനിധിയുമായ എന്‍. അശോകന് മാധ്യമപ്രവർത്തനത്തിന്‍റെ 50 വര്‍ഷം പൂര്‍ത്തിയാക്കുന്നതിന്റെയും എണ്‍പതാം പിറന്നാളിന്റെയും പശ്ചാത്തലത്തില്‍ ഏപ്രില്‍ 30 ബുധനാഴ്ച തിരുവനന്തപുരം മാസ്‌കോട്ട് ഹോട്ടലില്‍ കേരള മീഡിയ അക്കാദമി ആദരം അര്‍പ്പിക്കുന്നു.
രാവിലെ 11 മണിക്ക് സിംഫണി ഹാളില്‍ സംഘടിപ്പിക്കുന്ന ചടങ്ങില്‍ മുഖ്യമന്ത്രി പിണറായി വിജയന്‍ മുഖ്യാതിഥിയാകും. കേരള പത്രപ്രവര്‍ത്തക യൂണിയന്‍ ജില്ലാ ഘടകത്തിന്റെ സഹകരണത്തോടെയാണ് 'അശോകനും മാധ്യമലോകവും' എന്ന പേരില്‍ സ്‌നേഹ സംഗമം സംഘടിപ്പിക്കുന്നത്.
കോഴിക്കോട്ടും തിരുവനന്തപുരത്തും എറണാകുളത്തും മാധ്യമപ്രവര്‍ത്തനത്തില്‍ വ്യക്തിമുദ്ര പതിപ്പിച്ച അദ്ദേഹം ഡല്‍ഹിയില്‍ മൂന്നരപ്പതിറ്റാണ്ടിലധികമായി മാധ്യമപ്രവര്‍ത്തകനാണ്. മാതൃഭൂമി ദിനപത്രത്തിന്റെ മുന്‍ ഡല്‍ഹി ബ്യൂറോ ചീഫായിരുന്ന എന്‍. അശോകന് ഇപ്പോള്‍ പ്രത്യേക പ്രതിനിധിയായി സേവനമനുഷ്ഠിക്കുകയാണ്.
Content Highlights: Veteran journalist N. Ashokan to be honored by Kerala Media Academy on April 30th
Published: 29 Apr 2025, 05:08 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented