അടൂർ: കെഎസ്ആർടിസി ബസ്സിന്റെ ചക്രത്തിനിടയിൽ പെട്ട് വയോധികന്റെ കാലിന് ഗുരുതര പരിക്ക്. അടൂർ കെഎസ്ആർടിസി ബസ് സ്റ്റാന്റിൽ ശനിയാഴ്ച വൈകീട്ട് 03:30-നായിരുന്നു അപകടം. നൂറനാട് ശരത് നിവാസിൽ ചന്ദ്ര മോഹൻ പിള്ളയുടെ (60) കാലിനാണ് ഗുരുതരമായി പരിക്കേറ്റത്.

To advertise here,

ബസ് സ്റ്റാന്റിലേക്കുള്ള പ്രവേശനകവാടത്തിന്റെ ഇടതുവശത്ത് നിന്നും മറുഭാഗത്തേക്ക് നടന്നുപോവുകയായിരുന്ന ചന്ദ്രമോഹനൻ പിള്ളയെ ബസ് ഇടിക്കുകയായിരുന്നു. തുടർന്ന് ബസ്സിനടിയിൽപ്പെട്ട ചന്ദ്രമോഹനൻ പിള്ളയുടെ

കാലിലൂടെ ബസ്സിന്റെ മുൻചക്രം കയറിയിറങ്ങി.

അപകടത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. ഒരാഴ്ച മുൻപ് കൂടൽ സ്വദേശിയായ അമ്മിണി (74) എന്ന വയോധികയുടെ കാലിലും ഇതേ സ്ഥലത്തു വച്ച് കെഎസ്ആർടിസി ബസിന്റെ ചക്രം കയറിയിറങ്ങി കാൽ അറ്റുപോയിരുന്നു.