കണ്ണൂർ: സംഘർഷഭരിതമായി കണ്ണൂർ സർവകലാശാല. എസ്എഫ്ഐ പ്രവർത്തകരും പോലീസും തമ്മിൽ ഉന്തും തള്ളും ഉണ്ടായി. യുയുസിയുടെ ബാ​ഗ് തട്ടിപ്പറിച്ചുകൊണ്ടോടിയ എസ്എഫ്ഐ സ്ഥാനാർത്ഥിയെ പോലീസ് പിടിച്ചുവെച്ചതോടെയാണ് സംഘർഷം രൂപപ്പെട്ടത്. വനിതാ പോലീസിന്റെ കൈക്ക് സംഘർഷത്തിനിടയിൽ പരിക്കുപറ്റിയിട്ടുണ്ട്.

To advertise here,

കണ്ണൂർ സർവകലാശാല യൂണിയൻ തിരഞ്ഞെടുപ്പിൽ വോട്ട് രേഖപ്പെടുത്താനെത്തിയ എംഎസ്എഫ് യുയുസിയുടെ ബാ​ഗും പേപ്പറും എസ്എഫ്ഐ സ്ഥാനാർത്ഥി തട്ടിപ്പറിച്ചുകൊണ്ട് ഓടി. പോലീസ് ഈ എസ്എഫ്ഐ പ്രവർത്തകയെ പിടിച്ചുവെച്ചു. തുടർന്ന് എസ്എഫ്ഐ പ്രവർത്തകരെത്തി പെൺകുട്ടിയെ മോചിപ്പിക്കാൻ ശ്രമിച്ചു. എന്നാൽ പോലീസ് മോചിപ്പിക്കാൻ തയ്യാറായില്ല. ഇതു പോലീസും പ്രവർത്തകരും തമ്മിൽ ഉന്തും തള്ളും ഉണ്ടാകുന്നതിന് കാരണമായി. ഇതോടെ സർവകലാശാല പരിസരം സംഘർഷഭരിതമായി. ഇതിനിടയിൽ യുയുസിയുടെ ബാ​ഗ് മറ്റു എസ്എഫ്ഐ പ്രവർത്തകർക്ക് നൽകുകയും അവർ ഇതുമായി ഓടിരക്ഷപ്പെടുകയും ചെയ്തു. ഈ പേപ്പറിൽ എന്താണ് ഉണ്ടായിരുന്നതെന്ന് വ്യക്തമല്ല.

അതേസമയം, എസ്എഫ്ഐ ഈ ആരോപണം തള്ളി. ബാ​ഗും പേപ്പറും തട്ടിപ്പറിച്ചതിന് എന്താണ് തെളിവെന്നും അകാരണമായി എസ്എഫ്ഐ സ്ഥാനാർത്ഥിയെ പോലീസ് പിടിച്ചുവെച്ചിരിക്കുകയാണെന്നും എസ്എഫ്ഐ സംസ്ഥാന സെക്രട്ടറി പി.എസ്. സഞ്ജീവ് ആരോപിച്ചു.

Read more....കണ്ണൂർ സർവകലാശാല യൂണിയൻ തിരഞ്ഞെടുപ്പ്; SFI-UDSF പ്രവർത്തകർ തമ്മിൽ സംഘർഷം, ലാത്തി വീശി പോലീസ്