പീച്ചി(തൃശ്ശൂര്‍): പട്ടിക്കാട് ചാണോത്ത് പീച്ചി ഡാമിന്റെ റിസര്‍വോയറില്‍ വീണ നാലുപെണ്‍കുട്ടികളെ രക്ഷിച്ച് ആശുപത്രിയിലെത്തിച്ചു. നാലുപേരും തൃശ്ശൂര്‍ ജൂബിലി മിഷൻ ആശുപത്രിയില്‍ വെന്റിലേറ്ററിലാണുള്ളത്. ഇതില്‍ മൂന്നുപേരുടെ നില ഗുരുതരമാണ്. കുട്ടികളുടെ നില മെച്ചപ്പെടുന്നതായാണ് ആശുപത്രി അധികൃതര്‍ നല്‍കുന്ന വിവരം. 

To advertise here,

പ്ലസ്‌വണ്‍ വിദ്യാര്‍ഥികളും കൂട്ടുകാരികളായ എം.ബി.എറിന്‍, ആന്‍ ഗ്രേസ്, അലീന ഷാജന്‍, നിമ(12) എന്നിവരാണ് അപകടത്തില്‍പ്പെട്ടത്. നിമയുടെ സഹോദരി ഹിമയുടെ സുഹൃത്തുക്കളാണ് മറ്റുമൂന്നുപേര്‍.

പള്ളിപ്പെരുന്നാളാഘോഷിക്കാന്‍ ഹിമയുടെയും നിമയുടെയും വീട്ടിലെത്തിയതാണ് കൂട്ടുകാര്‍. ഹിമ വെള്ളത്തിലേയ്ക്കിറങ്ങിയിരുന്നില്ല. രണ്ടുപേര്‍ പാറക്കെട്ടില്‍ വഴുതി വെള്ളത്തില്‍ വീണപ്പോള്‍ മറ്റുള്ളവര്‍ രക്ഷിക്കാനിറങ്ങിയതാണെന്ന് കരുതുന്നു. കുട്ടികളുടെ നിലവിളികേട്ടെത്തിയ സമീപവാസികളാണ് രക്ഷിച്ച് ആശുപത്രിയിലെത്തിച്ചത്.. മന്ത്രി കെ. രാജന്‍ അടക്കമുള്ളവര്‍ ആശുപത്രിയിലെത്തിയിരുന്നു.