കൊച്ചി: ചേരാനല്ലൂർ വാഹനാപകട കേസിൽ എറണാകുളം അഡീഷണൽ സെഷൻസ് കോടതിയിൽനിന്ന് പ്രോസിക്യൂഷന് കനത്ത തിരിച്ചടി. 17-കാരന്റെ ജാമ്യം റദ്ദാക്കില്ലെന്ന് കോടതി അറിയിച്ചു. മരിച്ച ജയബാലകൃഷ്ണന്റെ കുടുംബവും പ്രോസിക്യൂഷനും നൽകിയ അപ്പീലുകൾ കോടതി തള്ളി.

To advertise here,

രൂക്ഷ വിമർശനങ്ങളും കോടതിയുടെ ഭാഗത്ത്നിന്നുണ്ടായി. എഫ്ഐആർ രജിസ്റ്റർ ചെയ്തത് എന്തടിസ്ഥാനത്തിലാണെന്ന് കോടതി ചോദിച്ചു. ഗുരുതര കുറ്റമല്ലെങ്കിൽ ജുവനൈലിനെതിരെ എഫ്ഐആർ രജിസ്റ്റർ ചെയ്യാൻ പാടില്ല. നിയമം അറിയില്ലെങ്കിൽ പഠിച്ചിട്ട് പോയാൽ മതിയെന്നും കോടതി അന്വേഷണ ഉദ്യോഗസ്ഥനോട് പറഞ്ഞു.

ആരുടെയെങ്കിലും ഭാഗത്ത് നിന്ന് സമ്മർദ്ദം ഉണ്ടാകുമ്പോൾ അതിന് വഴങ്ങുന്ന രീതിയിലേക്ക് പോലീസെത്തിയെന്ന വിമർശനവും കോടതിയുടെ ഭാഗത്ത്നിന്നുണ്ടായി.