തിരുവനന്തപുരം: ഹെലികോപ്റ്റര് അപകടത്തില് മരിച്ച ഇന്ത്യയുടെ സംയുക്തസേനാ മേധാവി ബിപിന് റാവത്തിനെ സാമൂഹ്യമാധ്യമങ്ങളില് അപമാനിച്ചവര്ക്കെതിരേ സംസ്ഥാന സര്ക്കാര് നടപടി എടുക്കണമെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. രാജ്യം വലിയ ദുരന്തം നേരിട്ടപ്പോള് ആഹ്ളാദിക്കുന്നവര് രാജ്യത്തിന്റെ ശത്രുക്കളാണെന്ന് അദ്ദേഹം പ്രസ്താവനയില് പറഞ്ഞു.
ഹൈക്കോടതിയിലെ കേരള സര്ക്കാരിന്റെ അഭിഭാഷക നീചമായ രീതിയില് സേനാമേധാവിയെ അപമാനിച്ചിട്ടും ഇടതു സര്ക്കാര് ഒരു നടപടിയുമെടുത്തില്ല. സര്ക്കാരിനും അഭിഭാഷകയുടെ നിലപാട് തന്നെയാണോയെന്ന് മുഖ്യമന്ത്രി വ്യക്തമാക്കണം. ഇവരെ സര്ക്കാര് പ്ലീഡര് തസ്തികയില് നിന്ന് പുറത്താക്കാന് മുഖ്യമന്ത്രി തയ്യാറാകണമെന്നും സുരേന്ദ്രന് ആവശ്യപ്പെട്ടു.
കേരളത്തില് പിണറായിയുടെ ഭരണത്തില് ആര്ക്കും പരസ്യമായി ദേശവിരുദ്ധത പറയാമെന്ന സ്ഥിതിയാണുള്ളതെന്നും സുരേന്ദ്രന് കുറ്റപ്പെടുത്തി.
content higlhights: action should be taken against those who insulted bipin rawat says k surendran
Published: 10 Dec 2021, 01:51 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented