കൊച്ചി: കൊച്ചിയിൽ വീണ്ടും വൻ സ്പിരിറ്റ് വേട്ട. ആലുവയിലെ അ‌ശോകപുരം, ചൂണ്ടി എന്നിവിടങ്ങളിലെ ഗോഡൗണുകളിൽ നടത്തിയ റെയ്ഡിൽ 5000 ലിറ്റർ സ്പിരിറ്റ് പിടികൂടിയതായാണ് വിവരം. സംഭവത്തിൽ ഏതാനും പേർ പിടിയിലായിട്ടുണ്ട്. ഇവരെ വിശദമായി ചോദ്യം ചെയ്ത ശേഷ​മേ വിശദാംശങ്ങൾ വ്യക്തമാക്കാനാകൂവെന്ന് ആലുവ റൂറൽ എസ്പി കെ.കാർത്തിക്ക് മാതൃഭൂമി ഡോട്ട് കോമിനോട് പറഞ്ഞു.

To advertise here,

കഴിഞ്ഞ ദിവസം പെരുമ്പാവൂരിൽ നിന്നും സ്പിരിറ്റ് പിടിച്ചതിനെ തുടന്ന് ലഭിച്ച വിവരങ്ങളാണ് വൻ സ്പിരിറ്റ് വേട്ടയിലേക്ക് നയിച്ചത്. സാനി​​റ്റയ്സർ എന്ന പേരിൽ ഗോവയിൽ നിന്നും രണ്ടു ലോഡ് സ്പിരിറ്റ് എത്തിച്ചെന്നാണ് വിവരം. ബുധനാഴ്ച ചോറ്റാനിക്കരയിൽ നിന്നും 2500 ലിറ്റർ സ്പിരിറ്റ് പിടികൂടിയിരുന്നു. ഇവിടെനിന്ന് മനോജ് എന്നയാളെ അ‌റസ്റ്റു ചെയ്തിട്ടുണ്ട്.

മെഡിക്കൽ സ്റ്റോർ ​ലൈസൻസ് ഉപയോഗിച്ചാണ് സംസ്ഥാനത്തേക്ക് വൻതോതിൽ സ്പിരിറ്റ് എത്തി​ച്ചതെന്നാണ് പോലീസിന്റെ നിഗമനം. അ‌തേസമയം, ലോക്ക്ഡൗണിൽ ഇത്രയും സ്പിരിറ്റ് അ‌തിർത്തി കടത്തിയത് എങ്ങനെയാണെന്നതിനെ കുറിച്ചും വിശദമായ അ‌ന്വേഷണം നടത്തുന്നുണ്ട്.