തിരുപ്പതി (ആന്ധ്രപ്രദേശ്): ആന്ധ്രപ്രദേശിലുള്ള തിരുപ്പതി കളക്ടറേറ്റിന് വ്യാജ ബോംബ് ഭീഷണി. ശനിയാഴ്ച രാവിലെയോടെയാണ് ഇ-മെയില്‍ വഴി ഭീഷണി സന്ദേശമെത്തിയത്. വിവരം ലഭിച്ചതിന്റെ അടിസ്ഥാനത്തില്‍ ബോംബ് സ്‌ക്വാഡും ഡോഗ് സ്‌ക്വാഡുമടക്കമുള്ള സംഘം കളക്ടറേറ്റിലെത്തി പരിശോധന നടത്തി.
കളക്ടറുടെ ചേംബറിലും മറ്റ് ഓഫീസുകളിലും നടന്ന പരിശോധനയിലും സ്‌ഫോടകവസ്തുക്കളൊന്നും കണ്ടെത്താന്‍ സാധിച്ചില്ല. ഇതോടെ ബോംബ് ഭീഷണി സന്ദേശം വ്യാജമെന്ന് സ്ഥിരീകരിക്കുകയായിരുന്നു. തുടരന്വേഷണത്തില്‍ ബോംബ് ഭീഷണി സന്ദേശമെത്തിയത് തമിഴ്‌നാട്ടില്‍ നിന്നാണെന്ന് വ്യക്തമായി. കൂടുതല്‍ വിവരങ്ങള്‍ ലഭ്യമായിട്ടില്ല.
കഴിഞ്ഞയാഴ്ച സമാനമായ രീതിയില്‍ തമിഴ്‌നാട്ടിലെ ഡിജിപിയുടെ ഓഫീസിലും ഭീഷണി സന്ദേശമെത്തിയിരുന്നു. ഓഫീസിലെ ജീവനക്കാരെ ഒഴിപ്പിച്ച് ബോംബ് സ്‌ക്വാഡ് നടത്തിയ പരിശോധനയില്‍ സംശയാസ്പദമായി ഒന്നും കണ്ടെത്താനായില്ല. തുടര്‍ന്ന് ഒന്നരമണിക്കൂര്‍ നീണ്ട പരിശോധനയ്‌ക്കൊടുവില്‍ സന്ദേശം വ്യാജമെന്ന് സ്ഥിരീകരിച്ചു. ഇ-മെയില്‍ വഴിയെത്തിയ സന്ദേശത്തിന്റെ ഉറവിടം കണ്ടെത്താനുളള ശ്രമത്തിലാണ് പോലീസ് ഉദ്യോഗസ്ഥര്‍.
Content Highlights: Fake bomb threat to Tirupati collectorate
Published: 18 Oct 2025, 06:33 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented