ചെന്നൈ: ജനവിരുദ്ധ നിയമങ്ങള് ഏര്പ്പെടുത്താന് ശ്രമിക്കുന്ന ലക്ഷദ്വീപ് അഡ്മിനിസ്ട്രേറ്റര് പ്രഫുല് ഖോഡ പട്ടേലിനെ തിരികെ വിളിക്കണമെന്ന് പ്രധാനമന്ത്രിയോട് ആവശ്യപ്പെട്ട് തമിഴ്നാട് മുഖ്യമന്ത്രി എം.കെ.സ്റ്റാലിന്.
'അവിടെ താമസിക്കുന്ന മുസ്ലിംജനവിഭാഗത്തെ അന്യവത്കരിക്കുന്നതിനായി ജനവിരുദ്ധ നിയന്ത്രണങ്ങള് കൊണ്ടുവരുന്ന അഡ്മിനിസ്ട്രേറ്റര് പട്ടേലിന്റെ നടപടി മനോവേദനയുണ്ടാക്കുന്നു' സ്റ്റാലിന് ട്വീറ്റ് ചെയ്തു.
പ്രധാനമന്ത്രിയുടെ ഓഫീസ് ഇക്കാര്യത്തില് ഇടപെടുകയും അദ്ദേഹത്തെ അഡ്മിനിസ്ട്രേറ്റര് സ്ഥാനത്ത് നീക്കം ചെയ്യുകയും വേണമെന്ന് സ്റ്റാലിന് ആവശ്യപ്പെട്ടു. നമ്മുടെ രാജ്യത്തിന്റെ ശക്തി ബഹുസ്വരതയാണെന്നും അദ്ദേഹം ഓര്മിപ്പിച്ചു.
എംഡിഎംകെ അധ്യക്ഷന് വൈക്കോയും ലക്ഷദ്വീപ് അഡ്മിനിസ്ട്രേറ്റര്ക്കെതിരെ രംഗത്തെത്തി. ലക്ഷദ്വീപ് ജനതയുടെ അടിസ്ഥാന അവകാശങ്ങള് ലംഘിക്കുന്നതിനാല് ഇതിനെതിരെ ശക്തമായി അപലപിക്കുന്നു.അഡ്മിനിസ്ട്രേറ്റര് പട്ടേലിനെ തിരിച്ചുവിളിക്കണമെന്ന ആവശ്യത്തെ രാജ്യസഭാ എംപി കൂടിയായ വൈക്കോ പിന്തുണയ്ക്കുന്നതായും അറിയിച്ചു.
Published: 27 May 2021, 04:40 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented