ന്യൂഡല്ഹി: പ്രധാനമന്ത്രി നരേന്ദ്ര മോദി, ബുധനാഴ്ച മഹാകുംഭമേളയ്ക്കെത്തി പ്രയാഗ്രാജിലെ ത്രിവേണിസംഗമത്തില് പുണ്യസ്നാനം ചെയ്യും. രാവിലെ പത്തുമണിയോടെ പ്രയാഗ്രാജ് വിമാനത്താവളത്തിലെത്തുന്ന മോദി, 11-നും പതിനൊന്നരയ്ക്കും ഇടയിലാണ് പുണ്യസ്നാനം നിര്വഹിക്കുക.
പ്രയാഗ്രാജിലെത്തുന്ന പ്രധാനമന്ത്രി 10.10-ന് വിമാനത്താവളത്തില്നിന്ന് ഡി.പി.എസ്. ഹെലിപ്പാഡിലെത്തും. പത്തേമുക്കാലോടെ അരൈല് ഘട്ടിലേക്ക്. 10.50-ഓടെ അരൈല് ഘട്ടില്നിന്ന് ബോട്ട്മാര്ഗം മഹാകുംഭിലേക്ക്. 11-നും 11.30-നും ഇടയില് പുണ്യസ്നാനം നിര്വഹിച്ച ശേഷം 11.45-ഓടെ അരൈല് ഘട്ടിലേക്ക് മടങ്ങും. ശേഷം ഡി.പി.എസ്. ഹെലിപ്പാഡിലേക്ക്. തുടര്ന്ന് പ്രയാഗ്രാജ് വിമാനത്താവളത്തിലേക്ക്. അവിടെനിന്ന് ഇന്ത്യന് എയര്ഫോഴ്സ് വിമാനത്തില് ന്യൂഡല്ഹിയിലേക്ക് മടങ്ങും.
ഉത്തര് പ്രദേശ് സര്ക്കാരിന്റെ കണക്കുകള് അനുസരിച്ച് ജനുവരി 13-ാം തീയതി മുതല് 14 കോടിയില് അധികം പേര് പുണ്യസ്നാനം നിര്വഹിച്ചു. കേന്ദ്രമന്ത്രി അമിത് ഷാ, പ്രതിരോധ മന്ത്രി രാജ്നാഥ് സിങ്, കിരണ് റിജിജു, ഉത്തര് പ്രദേശ് മുന്മുഖ്യമന്ത്രി അഖിലേഷ് യാദവ്, യു.പി. മുഖ്യമന്ത്രി ആദിത്യനാഥ് തുടങ്ങിയവര് പുണ്യസ്നാനം നിര്വഹിച്ചിരുന്നു.
Content Highlights: prime minister narendra modi to take holy dip in triveni sangam on wednesday
Published: 04 Feb 2025, 03:54 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented