പട്ന: ബിഹാർ മുഖ്യമന്ത്രി നിതീഷ് കുമാർ പൊതുപരിപാടിക്കിടെ പ്രധാനമന്ത്രി നരേന്ദ്രമോദിയുടെ പാദങ്ങൾ വന്ദിക്കാൻ ശ്രമിക്കുന്നതിന്റെ വീഡിയോ സാമൂഹിക മാധ്യമങ്ങളിൽ വൈറലാകുന്നു. ബിഹാറിലെ ദർഭം​ഗയിലാണ് സംഭവം.   

To advertise here,

വേദിയിലേക്ക് കയറിവരുന്ന നിതീഷിനോട് തന്റെ സമീപത്തെ കസേരയിൽ ഇരിക്കാൻ മോദി ആവശ്യപ്പെടുന്നത് വീഡിയോയിൽ കാണാം. എന്നാൽ നിതീഷ് പെട്ടെന്ന് പ്രധാനമന്ത്രിയുടെ പാദംതൊടാൻ ശ്രമിച്ചു. ഉടനെ ഇരിപ്പിടത്തിൽനിന്ന് എഴുന്നേറ്റ മോദി നിതീഷിനെ തടയുന്നതും പിന്നീട് ഹസ്തദാനം ചെയ്ത ശേഷം നിതീഷ് മോദിക്ക് സമീപം ഇരിക്കുന്നതുമാണ് ദൃശ്യങ്ങളിലുള്ളത്. 

ഇത് ആദ്യമായല്ല മോദിയുടെ കാലിൽ വീഴാൻ നിതീഷ് ശ്രമിക്കുന്നത്. ജൂണിൽ പാർലമെന്റ് സെൻട്രൽ ഹാളിൽ നടന്ന പരിപാടിക്കിടെ മോദിയുടെ കാലിൽ തൊടാൻ നിതീഷ് ശ്രമിച്ചത് എല്ലാവരേയും അമ്പരപ്പിച്ചിരുന്നു. നിതീഷ് കുമാറിനേക്കാൾ ഒരു വയസ്സ് മാത്രം കൂടുതലുള്ള വ്യക്തിയാണ് നരേന്ദ്രമോദി.  

എയിംസ് ഉൾപ്പടെ 12,000 കോടി രൂപയുടെ പദ്ധതിയ്ക്ക് തറക്കല്ലിടാനായാണ് പ്രധാനമന്ത്രി ദർഭം​ഗയിലെത്തിയത്. പ്രസം​ഗത്തിനിടെ മോദി നിതീഷിനെ വാനോളം പ്രശംസിക്കുകയും ചെയ്തു.