ന്യൂഡൽഹി: പാർലമെന്റിൽ ചർച്ചയിൽനിന്ന് പ്രതിപക്ഷം ഒളിച്ചോടുന്നത് കാണുന്നത് ആദ്യമായെന്ന് പാർലമെന്ററികാര്യ മന്ത്രി കിരൺ റിജിജു. അത്ര വലിയ രാഷ്ടീയജീവിതപരിചയം അവകാശപ്പെടുന്നില്ല. പക്ഷേ, തന്റെ അനുഭവത്തിൽ ഇത് ആദ്യമാണ് -പത്രസമ്മേളനത്തിൽ റിജിജു പറഞ്ഞു.

To advertise here,

സഭാസമ്മേളനം തടസ്സപ്പെടുത്തിയതിന്റെ ഏക ഉത്തരവാദി കോൺഗ്രസാണ്. പ്രധാന ബില്ലുകളിൽ ചർച്ച നടക്കാത്തതിൽ സർക്കാരിനും നിരാശയുണ്ട്. ഇത് പാർലമെന്ററി ജനാധിപത്യത്തിന് ഗുണകരമല്ല. പുതു എം.പി.മാർക്ക് ചർച്ചകളിൽ പങ്കെടുക്കാനുള്ള അവസരം നഷ്ടപ്പട്ടതായും മന്ത്രി പറഞ്ഞു.

വനിതാസംവരണ ഭേദഗതിയുടെ ഭാഗമായി മണ്ഡലപുനഃസംഘടനയ്ക്കുള്ള ഭരണഘടനാ ഭേദഗതി ബില്ലിനായി പ്രത്യേക പാർലമെന്റ് സമ്മേളനം വിളിക്കുമോ എന്ന ചോദ്യത്തിന് മന്ത്രിയുടെ മറുപടി ഇപ്രകാരമായിരുന്നു: ‘‘ഭാവിയെക്കുറിച്ച് ഇപ്പോൾ ചോദിക്കരുത്. ഞങ്ങൾ വർത്തമാനകാലത്ത് ജീവിക്കുന്നവരാണ്’’.