ഗുരുഗ്രാം: ഗുരുഗ്രാമിൽ ട്രാൻസ്‌ഫോർമർ പൊട്ടിത്തെറിച്ചുണ്ടായ  വൈദ്യുതി തടസ്സത്തെത്തുടർന്ന് മെട്രോ ഗതാഗതം താറുമാറായി. വെള്ളിയാഴ്ച വൈകുന്നേരം സെക്ടർ 72-ലെ 220 കെവിഎ പവർ സ്റ്റേഷനിലെ പ്രധാന ട്രാൻസ്‌ഫോർമറിലാണ് തീപ്പിടിത്തമുണ്ടായത്.

To advertise here,

ഇതേത്തുടർന്ന് റാപ്പിഡ് മെട്രോ സർവീസുകൾ രാത്രി 7:50 മുതൽ 8:33 വരെ തടസ്സപ്പെട്ടു. വൈദ്യുതി നിലച്ചതോടെ ട്രെയിനുകൾ പാതിവഴിയിൽ നിലയ്ക്കുകയും യാത്രക്കാർ മെട്രോയ്ക്കുള്ളിൽ കുടുങ്ങുകയും ചെയ്തു. ഇതോടെ പല യാത്രക്കാരും പുറത്തിറങ്ങി മെട്രോ പാളത്തിലൂടെ നടന്നാണ് അടുത്ത സ്റ്റേഷനുകളിലേക്ക് എത്തിയത്. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്.

അമിതമായ ചൂട് മൂലം ട്രാൻസ്‌ഫോർമറിലുണ്ടായ ഓയിൽ ചോർച്ചയാണ് സ്ഫോടനത്തിനും തീപ്പിടിത്തത്തിനും കാരണമായതെന്ന് ഉദ്യോഗസ്ഥർ അറിയിച്ചു. സ്ഫോടനത്തെത്തുടർന്ന് സെക്ടർ 52, 56 ഉൾപ്പെടെ അഞ്ച് സബ് സ്റ്റേഷനുകളിലേക്കുള്ള വൈദ്യുതി വിതരണം  തടസ്സപ്പെട്ടു. പ്രശ്നങ്ങൾ പരിഹരിച്ച് ശനിയാഴ്ച രാവിലെ മെട്രോ ഗതാഗതം പുനരാരംഭിച്ചിട്ടുണ്ട്.