ന്യൂഡല്ഹി: വിരമിച്ച സുപ്രീം കോടതി ചീഫ് ജസ്റ്റിസ് ഡി.വൈ. ചന്ദ്രചൂഢ് മനുഷ്യാവകാശ കമ്മിഷന്റെ തലപ്പത്തേക്കെന്ന് അഭ്യൂഹം. ദേശീയ മനുഷ്യാവകാശ കമ്മിഷന് അധ്യക്ഷനായി ചന്ദ്രചൂഢ് എത്തിയേക്കുമെന്നാണ് പ്രചരിക്കുന്ന അഭ്യൂഹം. അതേസമയം ഇക്കാര്യത്തില് വ്യക്തത വരുത്തി ഡി.വൈ. ചന്ദ്രചൂഢ് തന്നെ രംഗത്തെത്തി.
വിരമിച്ച ശേഷമുള്ള ജീവിതം സ്വകാര്യ വ്യക്തിയെന്ന നിലയില് താന് ആസ്വദിക്കുകയാണെന്നും പ്രചരിക്കുന്നത് കിംവദന്തികള് മാത്രമാണെന്നുമാണ് ചന്ദ്രചൂഢ് പറഞ്ഞത്. എന്.ഡി.ടി.വിയോടായിരുന്നു അദ്ദേഹത്തിന്റെ പ്രതികരണം. ഇതേക്കുറിച്ച് തന്നോട് ആരും സംസാരിച്ചിട്ടില്ലെന്നും അദ്ദേഹം കൂട്ടിച്ചേര്ത്തു.
സുപ്രീം കോടതി മുന് ചീഫ് ജസ്റ്റിസ് അരുണ് മിശ്ര ജൂണ് ഒന്നിന് സ്ഥാനമൊഴിഞ്ഞശേഷം ദേശീയ മനുഷ്യാവകാശ കമ്മിഷന് അധ്യക്ഷ സ്ഥാനം ഒഴിഞ്ഞുകിടക്കുകയാണ്. പ്രധാനമന്ത്രി നരേന്ദ്രമോദി, ആഭ്യന്തരമന്ത്രി അമിത് ഷാ, ലോക്സഭാ പ്രതിപക്ഷ നേതാവ് രാഹുല് ഗാന്ധി, രാജ്യസഭാ പ്രതിപക്ഷ നേതാവ് മല്ലികാര്ജുന് ഖാര്ഗെ എന്നിവരടങ്ങുന്ന ഉന്നതതല സമിതി ബുധനാഴ്ച യോഗം ചേര്ന്നിരുന്നു. ദേശീയ മനുഷ്യാവകാശ കമ്മിഷന്റെ തലപ്പത്തേക്കുള്ളവരുടെ പേരുകള് പരിഗണിക്കാനായിരുന്നു യോഗം.
Content Highlights: DY Chandrachud Being Considered For Rights Panel Chief Post. He makes clarity
Published: 20 Dec 2024, 08:49 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented