ന്യൂഡൽഹി: അന്താരാഷ്ട്ര വിമാന സര്‍വീസുകള്‍ തുടങ്ങാൻ 13 രാഷ്ട്രങ്ങളുമായി ചര്‍ച്ചകള്‍ നടത്തിവരികയാണെന്ന് വ്യോമയാന മന്ത്രി ഹര്‍ദീപ് സിങ് പുരി.
യാത്രാ വിമാന സര്‍വീസുകള്‍ പൂര്‍വസ്ഥിതിയിലാക്കാനുള്ള ലക്ഷ്യത്തിന്റെ ഭാഗമായാണ് ഇത്തരമൊരു നീക്കം. ചില നിയന്ത്രണങ്ങളോടെ രണ്ട് രാജ്യങ്ങള്‍ക്കിടയില്‍ യാത്രാവിമാനങ്ങള്‍ പറത്താനുള്ള അനുമതിയ്ക്കായാണ് ചർച്ച.
ഓസ്‌ട്രേലിയ, ഇറ്റലി, ജപ്പാന്‍, ന്യൂസിലാന്‍ഡ്, നൈജീരിയ, ബഹ്‌റൈന്‍, ഇസ്രയേല്‍, കെനിയ, ഫിലിപ്പീന്‍സ്, റഷ്യ, സിങ്കപ്പൂര്‍, ദക്ഷിണ കൊറിയ, തായ്‌ലന്‍ഡ് എന്നീ രാജ്യങ്ങളുമായാണ് ചർച്ചകൾ നടത്തുന്നത്. ഇതു കൂടാതെ ശ്രീലങ്ക, ബംഗ്ലാദേശ്, അഫ്ഗാനിസ്ഥാന്‍, നേപ്പാള്‍, ഭൂട്ടാന്‍ എന്നീ അയല്‍രാജ്യങ്ങളുമായും ചർച്ചകൾ നടക്കുന്നതായി മന്ത്രി അറിയിച്ചു.
യുഎസ്, യുകെ, ഫ്രാന്‍സ്, ജര്‍മ്മനി, യുഎഇ, ഖത്തര്‍, മാലിദ്വീപ് എന്നീ രാജ്യങ്ങളിലേക്ക് കഴിഞ്ഞ മാസം വിമാന സര്‍വീസ് ആരംഭിച്ചിരുന്നു. കഴിഞ്ഞ മാര്‍ച്ച് 23ന് കോവിഡ് വ്യാപനത്തെ തുടര്‍ന്ന് വിമാന സര്‍വീസുകള്‍ നിര്‍ത്തിവെച്ചത്.
content highlights: Bilateral Air Bubble Arrangements with 13 countries may start, says Aviation minister
Published: 18 Aug 2020, 07:51 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented