കുനൂര്: സംയുക്ത സൈനിക മേധാവി (ചീഫ് ഓഫ് ഡിഫന്സ്) ബിപിന് റാവത്ത് അടക്കം ഉന്നത സൈനിക ഉദ്യോഗസ്ഥര് സഞ്ചരിച്ച ഹെലിക്കോപ്ടര് നീലഗിരിയില് തകര്ന്നു വീണു. ഉച്ചയ്ക്ക് 12.30 ഓടെയായിരുന്നു സംഭവം. അപകടത്തില് ബിപിന് റാവത്തിന്റെ ഭാര്യ മധുലിക റാവത്ത് അടക്കം 13 പേര് മരിച്ചതായാണ് റിപ്പോർട്ട്. ഗുരുതരമായി പരിക്കേറ്റ ബിപിന് റാവത്ത് അടക്കമുള്ളവരെ വെല്ലിങ്ടണിലെ സൈനിക ആശുപത്രിയില് പ്രവേശിപ്പിച്ചതായും റിപ്പോര്ട്ടുകളില് പറയുന്നു.
ബിപിന് റാവത്തിന് പുറമെ അദ്ദേഹത്തിന്റെ ഭാര്യ മധുലിക റാവത്ത്, ബ്രിഗേഡിയര് എല്.എസ് ലിഡര്, ലെഫ്.കേണല് ഹര്ജീന്ദര് സിങ്, എന്.കെ ഗുര്സേവക് സിങ്, എന്.കെ ജിതേന്ദ്രകുമാര്, ലാന്സ് നായിക്, വിവേക് കുമാര്, ലാന്സ് നായിക് ബി സായ് തേജ, ഹവീല്ദാര് സത്പാല് എന്നിവരാണ് അപകടത്തില് പെട്ട ഹെലിക്കോപ്ടറിലുണ്ടായിരുന്നത്
വ്യോമസേനയുടെ എം.ഐ 17വി.5 ഹെലിക്കോപ്ടറാണ് അപകടത്തില് പെട്ടതെന്ന് വ്യോമസേന ട്വീറ്റ് ചെയ്തു. അപകടത്തെക്കുറിച്ച് അന്വേഷണത്തിന് ഉത്തരവിട്ടിട്ടുണ്ട്.
കുനൂര് കട്ടേരിക്ക് സമീപമായിരുന്നു ഹെലിക്കോപ്ടര് തകര്ന്നുവീണത്. കോയമ്പത്തൂരിലെ സുലൂര് വ്യോമതാവളത്തില് നിന്ന് വെല്ലിങ്ടണ് കന്റോണ്മെന്റിലേക്കുള്ള യാത്രാമധ്യേയാണ് അപകടം സംഭവിച്ചത്.
Read More: ലാന്ഡിങ്ങിന് നിമിഷങ്ങള് മാത്രം, തകര്ന്നുവീണത് കൂനൂരിലെ എസ്റ്റേറ്റില്; ഒന്നരമണിക്കൂര് തീഗോളം
Read More: ദുരന്തവാർത്തയില് ഞെട്ടി രാജ്യം: റാവത്ത് ഗുരുതരാവസ്ഥയില്; അന്വേഷണത്തിന് ഉത്തരവിട്ട് വ്യോമസേന......
Read More: എസ്-8 റോക്കറ്റുകള്, മെഷീന് ഗണ്; അത്യാധുനിക റഷ്യന് ഹെലികോപ്റ്റര് നീലഗിരിയില് തകര്ന്നതെങ്ങനെ?
Content Highlights: Army chopper crashes, Helicopter Crash, Bipin Rawat
Published: 08 Dec 2021, 01:40 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented