ന്യൂഡല്‍ഹി: പൗരത്വഭേദഗതി നിയമത്തിന്റെ വിജ്ഞാപനത്തിനെതിരായി പ്രതിഷേധത്തിനൊരുങ്ങിയ ഡല്‍ഹി സര്‍വകലാശാലയിലെ മലയാളി വിദ്യാര്‍ഥികളെ കസ്റ്റഡിയിലെടുത്ത് ഡല്‍ഹി പോലീസ്. പ്രതിഷേധപരിപാടി തുടങ്ങുംമുമ്പേതന്നെ വിദ്യാര്‍ഥികളെ പോലീസ് കസ്റ്റഡിയിലെടുത്തു. ക്ലാസിലേക്ക് നടന്നുപോയവരേയും കസ്റ്റഡിയിലെടുത്തെന്ന് വിദ്യാര്‍ഥികള്‍ ആരോപിച്ചു. സര്‍വകലാശാല ക്യാമ്പസിനകത്തുകയറിയാണ് പോലീസ് നടപടി.
വിദ്യാര്‍ഥികളെ തൂക്കിയെടുത്താണ് പോലീസ് വാഹനത്തിലേക്ക് കയറ്റിയത്. 50-ഓളം വിദ്യാര്‍ഥികളെ ക്യാമ്പസിനകത്ത് കയറി ബലംപ്രയോഗിച്ച് കസ്റ്റഡിയിലെടുത്തു. ഇതിന് പിന്നാലെ ക്യാമ്പസിന് പുറത്തുനിന്ന് എം.എസ്.എഫ്. പ്രവര്‍ത്തകര്‍ പ്രതിഷേധവുമായെത്തി.
ഫ്രറ്റേണിറ്റി, എസ്.ഐ.ഒ, എ.ഐ.എസ്.എ തുടങ്ങി വിദ്യാര്‍ഥി സംഘടനകളും പ്രതിഷേധവുമായി രംഗത്തുണ്ട്. ക്യാമ്പസിനകത്ത് പ്രവേശനമില്ലാത്ത, 15-ഓളം പോലീസുകാര്‍ ചേര്‍ന്ന് ഒരു വിദ്യാര്‍ഥിയെ വലിച്ചിഴച്ചുകൊണ്ടുപോയെന്ന് വിദ്യാര്‍ഥികള്‍ ആരോപിച്ചു.
Content Highlights: Anti CAA Protest: Malayali students taken to custody in Delhi University
Published: 12 Mar 2024, 04:50 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented