ചെന്നൈ: വാട്ടർ ടാങ്കിൽ വീണ ആനയെ രക്ഷപ്പെടുത്തി തമിഴ്നാട് വനം വകുപ്പ് ഉദ്യോഗസ്ഥർ. ടാങ്ക് തകർത്ത് വഴിയൊരുക്കിയാണ് ആനയെ പുറത്തെത്തിച്ചത്. സംഭവത്തിന്റെ ദൃശ്യങ്ങൾ ഐഎഎസ് ഉദ്യോ​ഗസ്ഥയായ സുപ്രിയ സാഹു ഉൾപ്പെടെ പങ്കുവെച്ചിട്ടുണ്ട്. 

To advertise here,

നീലഗിരിയിലെ കൂനൂരിലുള്ള ഒരു ആദിവാസി ഗ്രാമത്തിലെ ജലസംഭരണിയിലാണ് പിടിയാന വീണത്. ആന പരിഭ്രാന്തയായി കിണറ്റിനുള്ളിൽ നിന്ന് പുറത്തുകടക്കാൻ ശ്രമിക്കുന്നതും അത് വിഫലമാകുന്നതും ദൃശ്യങ്ങളിൽ വ്യക്തമാണ്. പ്രദേശവാസികൾ വിവരം അറിയിച്ചതിനെ തുടർന്ന് സ്ഥലത്തെത്തിയ തമിഴ്‌നാട് വനംവകുപ്പിൻ്റെ സമയോചിതമായ ഇടപെടലിലൂടെയാണ് ആനയെ രക്ഷപ്പെടുത്താൻ സാധിച്ചത്.

ടാങ്ക് തകർത്ത് ആനയെ സുരക്ഷിതമായി വനത്തിലേക്ക് തിരിച്ചയച്ചു. സമയബന്ധിതമായി രക്ഷാപ്രവർത്തനം നടത്തിയ ഊട്ടി ഡിഎഫ്ഒ, കൂനൂർ റേഞ്ച് ഓഫീസർ,  മുഴുവൻ ടീമിനും അഭിനന്ദനങ്ങൾ. സുപ്രിയ സാഹു എക്സിൽ കുറിച്ചു.

വീഡിയോ സാമൂഹികമാധ്യമങ്ങളിൽ പ്രചരിച്ചതോടെ നിരവധി പേരാണ് തമിഴ്നാട് വനംവകുപ്പിന് അഭിനന്ദനങ്ങളുമായെത്തുന്നത്.