മൂവാറ്റുപുഴയാറിന്റെ തീരത്ത് കലയ്ക്കുവേണ്ടി ഡിസൈൻ ചെയ്ത വീട്. ആർട്ടിസ്റ്റ് നമ്പൂതിരിയുടെ ചിത്രങ്ങളെ സ്‌നേഹിച്ച ഒരാൾ, പ്രാണനെപോലെ ചേർത്തുവെച്ച് കലയ്ക്കുവേണ്ടി പണിതീർത്ത വീട്. അതാണ് മനോജ് മുവാറ്റുപുഴയുടെ വീട്. ആർക്കിടെക്റ്റ് തന്റെ ഉറ്റ സുഹൃത്തിനുവേണ്ടി ഡിസൈൻ ചെയ്ത വീട്. ഈ വീടിന്റെ മുറ്റം മനോഹരമാക്കാൻ കേരളത്തിലെ എണ്ണം പറഞ്ഞ ശിൽപ്പികൾ മുവാറ്റുപുഴയാറിന്റെ തീരത്തെത്തി. അങ്ങനെ ഒരേക്കർ സ്ഥലത്തുള്ള ഈ വീടിന്റെ മുറ്റം നിറയെ ശിൽപ്പങ്ങളായി. ഡിസൈനിൽ ജെഫ്രി ബാവ സ്റ്റൈൽ സ്വാധീനിച്ചപ്പോൾ ഈ വീടിന്റെ ഏത് കോണിലിരുന്നാലും പുഴയെ കാണാം ജാതി മരങ്ങളെ കാണാം. ആകാശം കാണാം. പ്രകൃതിയും വാസ്തുശിൽപവും കലയും ഒരു പോലെ സമന്വയിക്കുന്ന വീട്.

To advertise here,