വര്ഷങ്ങള്ക്ക് ശേഷമുള്ള ഒത്തുകൂടലുകള് എപ്പോഴും സന്തോഷം പകരുന്നതാണ്. ഓര്മ്മകളുടെ ലോകത്തേക്ക് ഒരിക്കല് കൂടി ഒത്തുചേര്ന്നിരിക്കുകയാണ് തൊണ്ണൂറുകളിലെ ടോളിവുഡിലെയും കോളിവുഡിലെയും സിനിമാരംഗത്തുള്ളവര്. എല്ലാവരും വെള്ള നിറത്തിലുള്ള വസ്ത്രം ധരിച്ച് ഗോവയില് ആഘോിക്കുന്ന ചിത്രങ്ങളും വീഡിയോകളുമാണ് സാമൂഹിക മാധ്യമങ്ങളില് വൈറലായത്. അഭിനേതാക്കളായ പ്രഭുദേവ, ജഗപതി ബാബു, സിമ്രണ്, മീന, നിര്മ്മാതാക്കളായ ശങ്കര്, കെ.എസ് രവികുമാര് എന്നിവരും പങ്കെടുത്തിട്ടുണ്ട്.
ഒത്തുചേരലിന്റെ നിരവധി ചിത്രങ്ങള് സിനിമാനടിയായ മീന ഇന്സ്റ്റഗ്രാമിലൂടെ 'തൊണ്ണൂറുകളിലെ ഒത്തുചേരല്' എന്ന അടിക്കുറിപ്പോടെ പങ്കുവെച്ചു. മഹേശ്വരി, ശ്വേത കൊന്നൂര് മേനോന്, സംഗീത, സംഘവി കാവ്യ രമേശ്, ശിവ രഞ്ജിനി, മോഹന് രാജ, ശ്രീകാന്ത്, പ്രഭുദേവ, കെ.എസ് രവിമേനോന് എന്നിവര് പരിപാടിയില് പങ്കെടുത്തു.
താല് എന്ന സിനിമയിലെ 'കഹീ ആഗ് ലഗേ ലഗ് ജായേ' എന്ന പാട്ടിന് ചുവട് വെക്കുന്ന താരങ്ങളുടെ വീഡിയോ സംഗീത പങ്കുവെച്ചു. താരങ്ങളുടെ ഒത്തുചേരലിനെ ആരാധകര് ഏറ്റെടുത്തിരിക്കുകയാണ്. എത്ര പുതിയ താരങ്ങള് വന്നാലും തൊണ്ണൂറുകളുടെ സ്വര്ണ ചാരുതയ്ക്ക് പകരം വെക്കാന് കഴിയില്ല എന്നാണ് ചിത്രങ്ങള്ക്കുള്ള അഭിപ്രായം. ഈ ഒത്തുചേരല് ഗൃഹാതുരത്വത്തിന്റെ ഊഷ്മളമായ ആലിംഗനമാണ് എന്നാണ് ഒരാള് പറഞ്ഞത്.
ആദ്യമായല്ല താരങ്ങള് ഇത്തരത്തില് ഒത്തുചേരുന്നത്. കൊറോണയ്ക്കു മുന്പ് തെന്നിന്ത്യന് അഭിനേതാക്കളായ ചിരഞ്ജീവി, മോഹന്ലാല്, സുമലത, രാധിക, ശരത്കുമാര് എന്നിവര് ഒത്തുകൂടിയിരുന്നു.
Content Highlights: 90s Tollywood and Kollywood stars like Prabhu Deva, Meena, and Jagapathi Babu reunited in Goa.
Published: 31 Jul 2025, 02:45 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented