മലയാള സിനിമയിൽ പോലീസ് ത്രില്ലർ വിഭാഗത്തിൽ പതിവ് ഫോർമാറ്റുകളിൽ നിന്ന് മാറിയുള്ള പരീക്ഷണവുമായി 'ടാരന്റിനോ' എത്തുന്നു. അന്വേഷണത്തിനിടയിൽ കണ്ടെത്തുന്ന ഓരോ തെളിവും പുതിയൊരു സംശയത്തിലേക്ക് വഴിതുറക്കുകയും, പ്രേക്ഷകർ മുൻകൂട്ടി രൂപപ്പെടുത്തുന്ന ധാരണകളെ മാറ്റിമറിക്കുകയും ചെയ്യുന്ന രീതിയിലാണ് ചിത്രത്തിന്റെ അവതരണം. സംഭവങ്ങളുടെ പിന്നിലെ യഥാർഥ വസ്തുതകളിലേക്ക് എത്താനുള്ള യാത്രയിൽ അപ്രതീക്ഷിതമായ വെളിപ്പെടുത്തലുകളും വഴിത്തിരിവുകളും പ്രധാനമാകുന്ന സിനിമയാണിത്. ദി പ്ലോട്ട് പിക്‌ചേഴ്‌സും 'സംഭവം അധ്യായം ഒന്ന്' എന്ന ചിത്രത്തിലൂടെ ശ്രദ്ധ നേടിയ നല്ല സിനിമ പ്രൊഡക്ഷൻസും ചേർന്നാണ് ചിത്രം നിർമിക്കുന്നത്. എൽവിൻ സി. ജോൺസൺ സംവിധാനം ചെയ്യുന്ന ചിത്രത്തിന്റെ തിരക്കഥ എസ്. ജയകൃഷ്ണന്റേതാണ്.

To advertise here,

ഒരു കേസിനെ ചുറ്റിപ്പറ്റിയുള്ള അന്വേഷണം മാത്രമല്ല, അതിന് പിന്നിൽ ഒളിഞ്ഞിരിക്കുന്ന പല തലങ്ങളിലേക്കുമുള്ള സഞ്ചാരമാണ് 'ടാരന്റിനോ'യുടെ കഥയുടെ പ്രത്യേകത. പ്രേക്ഷകർക്ക് മുന്നിൽ എത്തുന്ന വിവരങ്ങൾക്കപ്പുറം മറ്റൊരു യാഥാർഥ്യം കാത്തിരിക്കുന്നുണ്ടോ എന്ന ചോദ്യം സിനിമയുടെ പ്രമേയത്തിൽ നിർണായകമാകുന്നു. നിഗൂഢതയും സസ്‌പെൻസും അപ്രതീക്ഷിത സംഭവവികാസങ്ങളും ഉപയോഗിച്ച് പ്രേക്ഷകരെ കഥയോടൊപ്പം സഞ്ചരിപ്പിക്കുന്ന രീതിയിലാണ് ചിത്രം ഒരുക്കുന്നത്. പോലീസ് ത്രില്ലർ എന്ന വിഭാഗത്തിൽ പുതിയൊരു ആഖ്യാനശൈലി അവതരിപ്പിക്കാനുള്ള ശ്രമം കൂടിയാണ് ഈ സിനിമ.

രഞ്ജി പണിക്കർ, ദീപക് പറമ്പോൽ, സിദ്ദിഖ്, മണിയൻപിള്ള രാജു, സെന്തിൽ കൃഷ്ണ, നിരഞ്ജ് മണിയൻപിള്ള രാജു, വിനീത് കുമാർ, പാർഥ് തിവാരി (കിൽ), നന്ദു, ശ്രീജിത്ത് രവി, അദിതി രവി, ക്ലെയർ സി. ജോൺ, ഓർഹാൻ (സർകീട്ട്), ആദിശേഷൻ (ബാലൻ), ഫഹദ് സിദ്ദീഖ് എന്നിവരാണ് ചിത്രത്തിലെ ശ്രദ്ധേയ താരങ്ങൾ. വിവിധ തലമുറകളിൽപ്പെട്ട അഭിനേതാക്കൾക്കൊപ്പം പുതിയ മുഖങ്ങളും ചിത്രത്തിന്റെ ഭാഗമാകുന്നു. അഭിനയരംഗത്തും സാങ്കേതിക മേഖലയിലും പുതുതായി എത്തുന്ന പ്രതിഭകൾക്ക് അവസരം നൽകുന്ന രീതിയിലാണ് സിനിമയുടെ പ്രവർത്തനസംഘത്തെ ഒരുക്കിയിരിക്കുന്നത്. വ്യത്യസ്തമായ കഥാപരിസരവും വിപുലമായ താരനിരയും പുതുമുഖങ്ങളുടെ പങ്കാളിത്തവും ചേർന്ന 'ടാരന്റിനോ'യുടെ റിലീസ് ഉൾപ്പെടെയുള്ള കൂടുതൽ വിവരങ്ങൾ അണിയറപ്രവർത്തകർ വൈകാതെ പുറത്തുവിടും.

നിർമാണം: ദ പ്ലോട്ട് പിക്‌ചേഴ്‌സ്, നല്ല സിനിമ പ്രൊഡക്ഷൻസ്, സംവിധാനം: എൽവിൻ സി. ജോൺസൺ, രചന: എസ്. ജയകൃഷ്ണൻ, ഛായാഗ്രഹണം: പ്രകാശ് റാണ, എഡിറ്റിങ്: അർജുൻ പ്രകാശ്, മേക്കപ്പ്: പട്ടണം റഷീദ്, സംഗീതം, ഒറിജിനൽ സ്‌കോർ: ഗോഡ്വിൻ തോമസ്, ചീഫ് അസോസിയേറ്റ് ഡയറക്ടർ: അനൂപ് മോഹൻ എസ്, സൗണ്ട് ഡിസൈൻ: ശ്രീനാഥ് രവീന്ദ്രൻ, ആർട്ട് ഡയറക്ടർ: മഹേഷ് ശ്രീധർ, കോസ്റ്റ്യൂം: ബ്യൂസി ബേബി ജോൺ, ആക്ഷൻ: ശ്രവൺ സത്യ, പ്രൊഡക്ഷൻ കൺട്രോളർ: ജയേഷ് എൽ.ആർ, ഫിനാൻസ് കൺട്രോളർ: വിജയൻ ഉണ്ണി, സ്റ്റിൽസ്: റിഷാജ് മുഹമ്മദ്, പബ്ലിസിറ്റി ഡിസൈൻസ്: യെല്ലോ ടൂത്ത്‌സ്, ഡിജിറ്റൽ മാർക്കറ്റിങ്: ഒബ്‌സ്‌ക്യൂറ എന്റർടെയ്ൻമെന്റ്‌സ്, പി.ആർ.ഒ: വൈശാഖ് സി. വടക്കേവീട്, ജിനു അനിൽകുമാർ, വാഴൂർ ജോസ്.