ആരാധകര്‍ ഏറെ പ്രതീക്ഷയോടെ കാത്തിരിക്കുന്ന വെട്രിമാരന്റെ കരിയറിലെ ബിഗ് ബജറ്റ് ചിത്രം 'വിടുതലൈ പാര്‍ട്ട് 1'ന്റെ റിലീസ് തീയതി പ്രഖ്യാപിച്ചു. മാര്‍ച്ച് 31-ന് ചിത്രം ലോകമെമ്പാടുമുള്ള തിയേറ്ററുകളിലെത്തും. ജയമോഹന്‍ രചിച്ച 'തുണൈവന്‍' എന്ന നോവലിനെ ആസ്പദമാക്കി ഒരുങ്ങുന്ന സിനിമ തമിഴ്, മലയാളം, കന്നഡ, തെലുങ്ക് ഭാഷകളിലാണ് റിലീസ് ചെയ്യുക.
ആര്‍.ആര്‍.ആര്‍., വിക്രം എന്നീ ചിത്രങ്ങള്‍ റിലീസ് ചെയ്ത എച്ച്.ആര്‍. പിക്‌ചേഴ്‌സ് ആണ് 'വിടുതലൈ പാര്‍ട്ട് 1' വിതരണം ചെയ്യുന്നത്. കേരളത്തില്‍ ഇരുന്നൂറോളം തിയേറ്ററുകളിലാണ് ചിത്രം റിലീസ് ചെയ്യുന്നത്.
'അസുരന്' ശേഷം വെട്രിമാരന്‍ സംവിധാനം ചെയ്യുന്ന ചിത്രമാണിത്. ദക്ഷിണേന്ത്യയിലെ പ്രമുഖ നിര്‍മാതാവ് എല്‍റെഡ് കുമാറിന്റെ പ്രൊഡക്ഷന്‍ കമ്പനിയായ ആര്‍.എസ്. ഇന്‍ഫോടെയ്ന്‍മെന്റാണ് ചിത്രം നിര്‍മിക്കുന്നത്.
വിജയ് സേതുപതി അധ്യാപകനായും സൂരി പൊലീസ് ഉദ്യോഗസ്ഥനായും എത്തുന്ന 'വിടുതലൈ' രണ്ട് ഭാഗങ്ങളായാണ് എത്തുന്നത്. ഇളയരാജയാണ് സംഗീതം. വേല്‍രാജാണ് ഛായാഗ്രഹണം. എഡിറ്റിങ്- ആര്‍. രാമര്‍, ആക്ഷന്‍ -പീറ്റര്‍ ഹെയ്ന്‍, കലാസംവിധാന -ജാക്കി, പി.ആര്‍.ഒ -പ്രതീഷ് ശേഖര്‍.
Content Highlights: soori vijay sethupathi in viduthalai part 1 release date announced
Published: 21 Mar 2023, 10:29 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented