മലയാളത്തിന് ഏറെ പ്രിയപ്പെട്ട താരങ്ങൾ ചേർന്ന് അവതരിപ്പിച്ച ഒരു കിടിലൻ നൃത്ത വീഡിയോ കഴിഞ്ഞ ദിവസം സോഷ്യൽ മീഡിയയിൽ വൈറലായിരുന്നു. നടിമാരായ ഭാവന, രമ്യ നമ്പീശൻ, ശില്പ ബാല, മൃദുല മുരളി ​ഗായിക സയനോര എന്നിവർ ചേർന്ന് മനോഹരമായ നൃത്തച്ചുവടുകൾ വയ്ക്കുന്ന ഒരു വീഡിയോ ആയിരുന്നു അത്. കൂട്ടുകാരുടെ ഈ രസകരമായ വീഡിയോയ്ക്ക് പിന്തുണയുമായി ആരാധകരെത്തിയെങ്കിലും വിമർശനങ്ങളുമായും ചിലർ രം​ഗത്ത് വന്നു.

To advertise here,

വീഡിയോയിലെ സയനോരയുടെയും മറ്റും വസ്ത്രധാരണത്തെ ആക്ഷേപിച്ചുകൊണ്ടും ബോഡിഷെയ്മിങ് നടത്തിയുമായിരുന്നു വിമര്‍ശനങ്ങള്‍.  താരം തന്നെ വിമർശനങ്ങൾക്ക് രസകരമായ മറുപടിയുമായി രം​ഗത്തെത്തുകയും ചെയ്തു. 'എന്റെ ജീവിതം, എന്റെ ശരീരം, എന്റെ വഴി' എന്ന ഹാഷ്ടാ​ഗോടെ നൃത്തം ചെയ്യുമ്പോൾ ധരിച്ചിരുന്ന അതേ വേഷത്തിൽ അലസമായി ഇരിക്കുന്ന ഫോട്ടോ പോസ്റ്റ് ചെയ്തുകൊണ്ടായിരുന്നു സയനോരയുടെ മറുപടി. 

ഇപ്പോഴിതാ സയനോരയ്ക്കും സുഹൃത്തുക്കൾ‌ക്കും ഐക്യദാർഢ്യവുമായി രം​ഗത്തെത്തിയിരിക്കുകയാണ് ​ഗായിക സിതാര കൃഷ്ണകുമാറും സുഹൃത്തുക്കളും. സയനോരയും സംഘവും നൃത്തം ചെയ്ത അതേ ​ഗാനത്തിന് ചുവടുകൾ വച്ചാണ് സിതാരയും സംഘവും പിന്തുണ അറിയിച്ചിരിക്കുന്നത്.

 </p> <p>'ഞങ്ങൾ പെൺകുട്ടികൾ ഒത്തുചേരുന്നത് പലപ്പോഴും ഒരു തെറാപ്പിയാണ്. ഞങ്ങൾ ഞങ്ങളാണ്. ചിലപ്പോൾ ഹൃദയം തുറന്ന് ഉറക്കെ ചിരിച്ചേക്കാം, ചിലപ്പോൾ കരഞ്ഞേക്കാം, ഞങ്ങൾ പരസ്പരം പിന്തുണയ്ക്കുന്നു. ഇത് വളരെ പ്രധാനമാണ്, ആവശ്യമാണ്...ഇത് ഞങ്ങൾ സയനോരയ്ക്കും അവളുടെ സുഹൃത്തുക്കൾക്കുമായി സമര്‍പ്പിക്കുന്നു'...&nbsp;വീഡിയോയ്ക്കൊപ്പം സിതാര കുറിച്ചു. സിതാരയുടെ വീഡിയോയ്ക്കും മികച്ച പിന്തുണയാണ് ലഭിക്കുന്നത്.&nbsp;</p> <p><Script async src="//www.instagram.com/embed.js"> async src="//www.instagram.com/embed.js"

content highlights : sithara krishnakumar and friends post dance video in support of sayanora