സൈജു കുറുപ്പിനെ കേന്ദ്ര കഥാപാത്രമാക്കി നവാഗതനായ സാഗർ രചനയും സംവിധാനവും നിർവഹിക്കുന്ന പുതിയ ചിത്രത്തിന് തുടക്കമായി. അരുൺ ഗോപി അവതരിപ്പിക്കുന്ന ചിത്രത്തിന്റെ സ്വിച്ച് ഓൺ കർമവും പൂജയും തിങ്കളാഴ്ച രാവിലെ 8.30-ന് കൊച്ചിയിലെ അഞ്ചുമന ദേവീക്ഷേത്രത്തിൽ നടന്നു. പ്രശസ്ത നിർമാതാവ് ആന്റണി പെരുമ്പാവൂർ സ്വിച്ച് ഓൺ നിർവഹിച്ചപ്പോൾ, ആദ്യ ക്ലാപ് നൽകിയത് നിതീഷ് എസ്. നായർ ആണ്. അരുൺ ഗോപി എക്‌സൈറ്റ്‌മെന്റ്സിന്റെ ബാനറിൽ അരുൺ ഗോപി ചിത്രം നിർമിക്കുന്നു. അദ്ദേഹം നിർമ്മിക്കുന്ന രണ്ടാമത്തെ ചിത്രമാണിത്.

To advertise here,

സായ് കുമാർ, റിയ ജിത്തു, ജയകൃഷ്ണൻ, ഹരിശ്രീ അശോകൻ, ധ്യാൻ ശ്രീനിവാസൻ, അഭിരാം രാധാകൃഷ്ണൻ, അൽത്താഫ് സലിം, വിൻസി അലോഷ്യസ്, ശങ്കർ രാമകൃഷ്ണൻ, രാജേഷ് ശർമ, മധുപാൽ, ഷാൻ റഹ്‌മാൻ, ഷാജു ശ്രീധർ, ഉത്തര ഉണ്ണി, ആൽഫി പഞ്ഞിക്കാരൻ, ശ്രീരേഖ, അഖിൽ (പാൻ ഇന്ത്യൻ), ഷമീർ ഖാൻ എന്നിവരും ചിത്രത്തിൽ പ്രധാന വേഷങ്ങളിലെത്തുന്നു.

ഹാസ്യത്തിനും രസകരമായ സംഭവവികാസങ്ങൾക്കും പ്രാധാന്യം നൽകുന്ന ഫൺ റൈഡ് ആയിരിക്കും ചിത്രമെന്നാണ് അണിയറപ്രവർത്തകർ നൽകുന്ന സൂചന. ചിത്രത്തിന്റെ കൂടുതൽ വിവരങ്ങൾ വരും ദിവസങ്ങളിൽ പുറത്തുവിടും.

ഛായാഗ്രഹണം: സനീഷ് സ്റ്റാൻലി, എഡിറ്റർ: രതീഷ് രാജ്, സംഗീതം: സനൽ ദേവ്, കലാസംവിധാനം: ജീമോൻ, വസ്ത്രാലങ്കാരം: അരുൺ മനോഹർ, മേക്കപ്പ്: സ്വേതിൻ വി, പ്രൊഡക്ഷൻ കൺട്രോളർ: ഷിഹാബ് വെണ്ണല, ചീഫ് അസോസിയേറ്റ്: അരുൺ ലാൽ, പ്രൊഡക്ഷൻ എക്‌സിക്യൂട്ടീവ്: വിനോദ് വേണുഗോപാൽ, സ്റ്റിൽസ്: രാംദാസ് മാത്തൂർ, പി.ആർ.ഒ: ശബരി.