'കില്ലര്' എന്ന ചിത്രത്തിലെ നായികാ വേഷം ചെയ്യുന്ന പ്രീതി അസ്രാനിയുടെ ഫസ്റ്റ് ലുക്ക് പോസ്റ്റര് പുറത്ത്. ശ്രീ ഗോകുലം മൂവീസിന്റെ ബാനറില് ഗോകുലം ഗോപാലന് നിര്മ്മിക്കുന്ന ചിത്രം എസ് ജെ സൂര്യയാണ് സംവിധാനം ചെയ്യുന്നത്. പ്രീതിയുടെ ജന്മദിനത്തിലാണ് ഫസ്റ്റ് ലുക്ക് പുറത്ത് വിട്ടിരിക്കുന്നത്.
എസ് ജെ സൂര്യ പ്രധാന വേഷത്തിലെത്തി കഥയും തിരക്കഥയും സംഭാഷണവും നിര്വഹിക്കുന്ന ചിത്രം ശ്രീ ഗോകുലം മൂവീസിന്റെ ബാനറില് ഗോകുലം ഗോപാലനും എസ് ജെ സൂര്യയുടെ നിര്മാണ കമ്പനിയായ എയ്ഞ്ചല് സ്റ്റുഡിയോസും ചേര്ന്നാണ് നിര്മ്മിക്കുന്നത്. 'വണ് ഫോര് ലവ്, വണ് ഓണ് എ മിഷന്' എന്ന ടാഗ് ലൈനോടെയാണ് ചിത്രത്തിന്റെ ടൈറ്റിലും ഫസ്റ്റ് ലുക്കും നേരത്തെ പുറത്ത് വന്നത്. ഈ ചിത്രത്തിലൂടെ തമിഴ് സിനിമ നിര്മാണ രംഗത്തും ശ്രീ ഗോകുലം മൂവീസ് വീണ്ടും സജീവമാവുകയാണ്.
കോ പ്രൊഡ്യൂസെഴ്സ് : ബൈജു ഗോപാലന്, വി സി പ്രവീണ്, എക്സിക്യൂട്ടീവ് പ്രൊഡ്യൂസര്: കൃഷ്ണമൂര്ത്തി.
ഓസ്കാര് പുരസ്കാര ജേതാവായ എ ആര് റഹ്മാന് ആണ് ചിത്രത്തിന് സംഗീതമൊരുക്കുന്നത്. ആദ്യമായാണ് ഗോകുലം മൂവീസ് നിര്മ്മിക്കുന്ന ചിത്രത്തില് എ ആര് റഹ്മാന് സംഗീത സംവിധായകനായി എത്തുന്നത്. വാലി, ഖുഷി,ന്യു തുടങ്ങിയ സൂപ്പര് ഹിറ്റ് ചിത്രങ്ങള് സംവിധാനം ചെയ്ത എസ് ജെ സൂര്യ 10 വര്ഷങ്ങള്ക്ക് ശേഷമാണ് വീണ്ടും സംവിധായകനായി എത്തുന്നത് എന്നതും ഈ ചിത്രത്തിന്റെ പ്രത്യേകതയാണ്.
വമ്പന് താരനിരയെ അണിനിരത്തിയാണ് അദ്ദേഹം ഈ ചിത്രം ഒരുക്കുന്നത്. ബിഗ് ബഡ്ജറ്റില് നിര്മിക്കുന്ന ഈ ആക്ഷന് ത്രില്ലര് ചിത്രം 5 ഭാഷകളില് റിലീസ് ചെയ്യും. പാന് ഇന്ത്യന് ചിത്രമായി ഒരുങ്ങുന്ന കില്ലറില് ഇന്ത്യന് സിനിമയിലെ മികച്ച പ്രതിഭകളാണ് ക്യാമറയ്ക്ക് മുന്നിലും പിന്നിലും അണിനിരക്കുന്നത്.
പാന് ഇന്ത്യന് ചിത്രം 'കില്ലര്' കൂടാതെ, മലയാളത്തില് സുരേഷ് ഗോപി നായകനാകുന്ന 'ഒറ്റക്കൊമ്പന്', ജയസൂര്യ നായകനാകുന്ന 'കത്തനാര്', ദിലീപ് നായകനാകുന്ന 'ഭ.ഭ.ബ', ജയറാം - കാളിദാസ് ജയറാം - ജി പ്രജിത്ത് ടീമിന്റെ 'ആശകള് ആയിരം', എം മോഹനന് - അഭിലാഷ് പിള്ള ചിത്രം ' ചോറ്റാനിക്കര ലക്ഷ്മിക്കുട്ടി' തുടങ്ങിയ വമ്പന് ചിത്രങ്ങളാണ് ശ്രീ ഗോകുലം മൂവീസിന്റെ ബാനറില് അണിയറയില് ഒരുങ്ങുന്നത്. പിആര്ഒ - ശബരി
Content Highlights: Preity Asrani`s first look poster from `KILLER`, directed by SJ Suryah out
Published: 06 Sept 2025, 11:10 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented