ഏവരും ആകാംക്ഷയോടെ കാത്തിരിക്കുന്ന 'ദൃശ്യം 3'ക്ക് മുമ്പേ പ്രേക്ഷകരുടെ മനസ്സില് ഉദ്വേഗം നിറയ്ക്കുന്ന ഒരു പസില് ഗെയിം തീര്ക്കാന് ആസിഫ് അലിക്കും അപര്ണ ബാലമുരളിക്കും ഒപ്പം ജീത്തു ജോസഫ് എത്തുന്നു. ഇവര് ഒന്നിക്കുന്ന 'മിറാഷ്' സെപ്റ്റംബര് 19ന് വേള്ഡ് വൈഡ് റിലീസിനൊരുങ്ങുകയാണ്. തിരുവോണ ദിനത്തില് എത്തിയിരിക്കുന്ന റിലീസ് അനൗണ്സ്മെന്റ് പോസ്റ്റര് സോഷ്യല് മീഡിയയില് ശ്രദ്ധേയമായിരിക്കുകയാണ്. ആസിഫും അപര്ണയും ഹക്കീം ഷാജഹാനുമാണ് പോസ്റ്ററിലുള്ളത്.
മികച്ച പ്രേക്ഷക - നിരൂപക പ്രശംസ നേടിയ 'കിഷ്കിന്ധാ കാണ്ഡ'ത്തിന് ശേഷം ആസിഫ് അലിയും അപര്ണ ബാലമുരളിയും വീണ്ടും ഒന്നിക്കുന്ന ചിത്രത്തിന്റെ ടീസര് അടുത്തിടെ പുറത്തിറങ്ങിയിരുന്നു. ഇമോഷണല് രംഗങ്ങളിലൂടേയും ത്രില്ലടിപ്പിക്കുന്ന നിമിഷങ്ങളിലൂടേയും നീങ്ങുന്ന ചിത്രമെന്ന് അടിവരയിടുന്നതായിരുന്നു ടീസര്.
ദൃശ്യം സീരീസ് ഉള്പ്പെടെയുള്ള സൂപ്പര് ഹിറ്റുകളുടെ സംവിധായകന് ജീത്തു ജോസഫ് സംവിധാനം ചെയ്യുന്ന സിനിമയുടെ ഡിജിറ്റല് ഇല്യൂഷന് വീഡിയോ അടുത്തിടെ ശ്രദ്ധ നേടിയിരുന്നു. അതിനു പിന്നാലെ പുറത്തിറങ്ങിയ ഫസ്റ്റ് ലുക്കും സെക്കന്ഡ് ലുക്ക് പോസ്റ്ററും ഏവരും ഏറ്റെടുത്തിരുന്നു. ഹക്കിം ഷാജഹാന്, ദീപക് പറമ്പോല്, ഹന്നാ റെജി കോശി, സമ്പത്ത് രാജ് എന്നിവരാണ് 'മിറാഷി'ലെ മറ്റു പ്രമുഖ താരങ്ങള്.
ഇ ഫോര് എക്സ്പിരിമെന്റ്സ്, നാഥ് സ്റ്റുഡിയോസ് എന്നീ ബാനറുകളില് സെവന് വണ് സെവന് പ്രൊഡക്ഷന്സ്, ബെഡ് ടൈം സ്റ്റോറീസ് എന്നീ ബാനറുകളുടെ അസോസിയേഷനോടെ മുകേഷ് ആര് മെഹ്ത, ജതിന് എം സേഥി, സി.വി സാരഥി എന്നിവര് ചേര്ന്നാണ് ചിത്രം നിര്മിക്കുന്നത്. ആസിഫ് അലിയുടെ 2025ലെ ആദ്യ റിലീസായ 'രേഖചിത്രം' ബോക്സ്ഓഫിസില് വന് വിജയമായി മാറിയിരുന്നു. ഏറെ ചര്ച്ചയായി മാറിയിരുന്ന 'കൂമന്' എന്ന ചിത്രത്തിന് ശേഷം ആസിഫും ജീത്തു ജോസഫും വീണ്ടും ഒരുമിക്കുന്ന ചിത്രമെത്തുമ്പോള് പ്രേക്ഷകര് ഏറെ പ്രതീക്ഷയിലാണ്.
ഛായാഗ്രഹണം: സതീഷ് കുറുപ്പ്, കഥ: അപര്ണ ആര് തറക്കാട്, തിരക്കഥ,സംഭാഷണം: ശ്രീനിവാസ് അബ്രോള്, ജീത്തു ജോസഫ്, എഡിറ്റര്: വി.എസ്. വിനായക്, പ്രൊഡക്ഷന് ഡിസൈനര് പ്രശാന്ത് മാധവ്, സംഗീതം: വിഷ്ണു ശ്യാം, ചീഫ് അസ്സോസിയേറ്റ് ഡയറക്ടര്: സുധീഷ് രാമചന്ദ്രന്, കോസ്റ്റ്യൂം ഡിസൈനര്: ലിന്റാ ജീത്തു, പ്രൊഡക്ഷന് കണ്ട്രോളര്: പ്രണവ് മോഹന്, മേക്കപ്പ്: അമല് ചന്ദ്രന്, വി എഫ് എക്സ് സൂപ്പര്വൈസര്: ടോണി മാഗ്മിത്, എക്സിക്യൂട്ടീവ് പ്രൊഡ്യൂസര്: കത്തീന ജീത്തു, സൗണ്ട് ഡിസൈന് സിനോയ് ജോസഫ്, സ്റ്റില്സ്: നന്ദു ഗോപാലകൃഷ്ണന്, ഗാനരചന: വിനായക് ശശികുമാര്, ഡിഐ: ലിജു പ്രഭാകര്, പബ്ലിസിറ്റി ഡിസൈന്സ്: യെല്ലോ ടൂത്ത്സ്, പിആര്ഒ: ആതിര ദില്ജിത്ത്, മാര്ക്കറ്റിങ്: ടിങ്.
Content Highlights: Jeethu Joseph`s Miraash starring Asif Ali and Aparna Balamurali worldwide releases
Published: 05 Sept 2025, 10:23 am IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented