ദ മോഷൻ പിക്ചർ ഡെവലപ്മെന്റ് ഫൗണ്ടേഷൻ R.O.C. യുടെ ഭാഗമായി തായ്പേയ് ഗോൾഡൻ ഹോഴ്സ് ഫന്റാസ്റ്റിക് ഫിലിം ഫെസ്റ്റിവലിൽ (TGHFF)ൽ ‘അജയന്റെ രണ്ടാം മോഷണം' (ARM) പ്രദർശിപ്പിച്ചു. തായ്പേയിൽ പ്രദർശിപ്പിക്കുന്ന ആദ്യ മലയാള സിനിമ കൂടിയാണിത്.
ചിത്രത്തിലെ നായകൻ ടോവിനോയെയും സംവിധായകൻ ജിതിൻലാലിനെയും കാണാൻ നിരവധിപേരാണ് തടിച്ചുകൂടിയത്. ഇംഗ്ലീഷ് , ചൈനീസ് സബ്ടൈറ്റിലുകളുടെ സഹായത്തോടെയാണ് ചിത്രം പ്രദർശിപ്പിച്ചത്. ടോവിനോയെയും സംവിധായകനായ ജിതിൻ ലാലിനെയും സിനിമ കഴിഞ്ഞിട്ടും കാണികൾ പിന്തുടർന്നു. രാത്രി വൈകിയും ഓട്ടോഗ്രാഫിനും ഫോട്ടോയ്ക്കും വേണ്ടി ആരാധകർ തിരക്കുകൂട്ടി.
നവാഗതനായ ജിതിന് ലാല് സംവിധാനം ചെയ്ത ചിത്രത്തിന് തിരക്കഥ രചിച്ചിരിക്കുന്നത് സുജിത് നമ്പ്യാരാണ്. മാജിക് ഫ്രെയിംയ്സിന്റെ ബാനറില് ലിസ്റ്റിന് സ്റ്റീഫനൊപ്പം യു.ജി.എം. മോഷന് പിക്ചേഴ്സിന്റെ ബാനറില് ഡോക്ടര് സക്കറിയ തോമസും എ.ആര്.എമ്മിന്റെ നിര്മാണ പങ്കാളിയാണ്.
തമിഴ്- തെലുഗ് ചിത്രങ്ങളിലൂടെ ശ്രദ്ധേയയായ കൃതി ഷെട്ടി, ഐശ്വര്യ രാജേഷ്, സുരഭി ലക്ഷ്മി എന്നിവരാണ് ചിത്രത്തില് നായികമാരായി എത്തിയത്. ബേസില് ജോസഫ്, ജഗദീഷ്, ഹരീഷ് ഉത്തമന്, കബീര് സിങ്, പ്രമോദ് ഷെട്ടി, രോഹിണി എന്നിവരും ചിത്രത്തില് പ്രധാനവേഷങ്ങള് ചെയ്തു. ജോമോന് ടി. ജോണ് ആണ് എ.ആര്.എമ്മിന്റെ ചായാഗ്രഹണം നിര്വഹിച്ചത്. എഡിറ്റിങ്- ഷമീര് മുഹമ്മദ്.
Content Highlights: Malayalam Film ARM Premieres at Taipei Golden Horse
Published: 21 Apr 2025, 06:40 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented