
കൊച്ചി: സിനിമാമേഖലയിലെ പ്രശ്നങ്ങൾ പരിഹരിക്കാൻ ട്രിബ്യൂണൽ രൂപവത്കരിക്കാൻ സർക്കാർ തീരുമാനിച്ചു. ഹേമ കമ്മിറ്റി റിപ്പോർട്ടിലെ ശുപാർശ അംഗീകരിച്ചാണിത്. മാർച്ചിൽ കൊച്ചിയിൽ നടക്കുന്ന സിനിമാ കോൺക്ലേവിന് മുന്നോടിയായി ട്രിബ്യൂണൽ സംബന്ധിച്ച വിജ്ഞാപനമുണ്ടാകുമെന്നാണ് വിവരം.
ചീഫ് സെക്രട്ടറി ശാരദാ മുരളീധരനാണ് ഇതിന്റെ മേൽനോട്ടം. ഘടനയെക്കുറിച്ച് അന്തിമരൂപമായില്ലെങ്കിലും രണ്ടോ മൂന്നോ അംഗങ്ങൾ ട്രിബ്യൂണലിലുണ്ടാകുമെന്നാണറിയുന്നത്. സർക്കാർ നിയോഗിച്ച സിനിമാനയ രൂപവത്കരണ സമിതി തയ്യാറാക്കുന്ന കരടുറിപ്പോർട്ട് ട്രിബ്യൂണലിന്റെ അഭിപ്രായംകൂടി തേടിയശേഷമാകും കോൺക്ലേവിൽ അവതരിപ്പിക്കുക.
സിനിമാമേഖലയിൽ സ്ത്രീകൾ നേരിടുന്ന പ്രശ്നങ്ങൾ തീർപ്പാക്കുന്നതിനായി റിട്ടയർചെയ്ത ജഡ്ജിയെ ട്രിബ്യൂണലായി നിയമിക്കണമെന്നായിരുന്നു ഹേമ കമ്മിറ്റി റിപ്പോർട്ടിലെ പ്രധാനശുപാർശ. വനിതാജഡ്ജിയാകും ഉചിതമെന്നും ട്രിബ്യൂണൽ തീരുമാനം. ഹൈക്കോടതി ഡിവിഷൻ ബെഞ്ചിൽ മാത്രമേ ചോദ്യംചെയ്യപ്പെടാവൂ എന്നും നിർദേശിച്ചിരുന്നു.
എന്നാൽ, നിർദിഷ്ട ട്രിബ്യൂണൽ സ്ത്രീകളുടെ പ്രശ്നങ്ങൾ മാത്രമാണോ കൈകാര്യംചെയ്യുക എന്നത് വ്യക്തമല്ല.
ട്രിബ്യൂണലിനെക്കുറിച്ചുള്ള ഹേമ കമ്മിറ്റി ശുപാർശകൾ
|
Content Highlights: Kerala government forms a tribunal to resolve film industry problems, based on Hema Committee Report
Published: 22 Jan 2025, 08:24 am IST
ABOUT THE AUTHOR
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented