കണ്ണിനും കാതിനും ഇമ്പമേറുന്ന പ്രണയരംഗങ്ങളുമായി റോഷന്‍ മാത്യുവിനെ നായകനാക്കി പ്രശാന്ത് വിജയ് സംവിധാനം ചെയ്യുന്ന 'ഇത്തിരി നേര'ത്തിന്റെ ടീസര്‍ റിലീസ് ചെയ്തു. പ്രണയത്തിന് പ്രാധാന്യം കൊടുത്തുകൊണ്ട് തീയേറ്ററില്‍ എത്താന്‍ ഒരുങ്ങുന്ന ചിത്രത്തില്‍ സെറിന്‍ ശിഹാബ് ആണ് നായിക. വര്‍ഷങ്ങള്‍ക്ക് ശേഷം കണ്ട് മുട്ടുന്ന രണ്ടുസുഹൃത്തുക്കള്‍ തമ്മിലുള്ള പ്രണയമാണ് ടീസര്‍ കാണിക്കുന്നത്. കഴിഞ്ഞ ദിവസം ഇറങ്ങിയ ചിത്രത്തിന്റെ ലിറിക്കല്‍ വീഡിയോ സോങ്ങിനും മികച്ച അഭിപ്രായം ലഭിച്ചിരുന്നു.
ജിയോ ബേബി അവതരിപ്പിക്കുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് വിശാഖ് ശക്തിയാണ്. റോഷന്‍ മാത്യു നായകനായ ചിത്രത്തില്‍ നന്ദു, ആനന്ദ് മന്മഥന്‍, ജിയോ ബേബി, കണ്ണന്‍ നായര്‍, കൃഷ്ണന്‍ ബാലകൃഷ്ണന്‍, അതുല്യ ശ്രീനി, സരിത നായര്‍, ഷൈനു ആര്‍.എസ്, അമല്‍ കൃഷ്ണ, അഖിലേഷ് ജി.കെ, ശ്രീനേഷ് പൈ, ഷെരീഫ് തമ്പാനൂര്‍, മൈത്രേയന്‍ തുടങ്ങിയവരാണ് മറ്റ് താരങ്ങള്‍. മാന്‍കൈന്‍ഡ് സിനിമാസ്, ഐന്‍സ്റ്റീന്‍ മീഡിയ, സിമ്മെട്രി സിനിമാസ് എന്നീ ബാനറുകളില്‍ ജോമോന്‍ ജേക്കബ്, ഡിജോ അഗസ്റ്റിന്‍, ഐന്‍സ്റ്റീന്‍ സാക്ക് പോള്‍, സജിന്‍ എസ്. രാജ്, വിഷ്ണു രാജന്‍ എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്.
ക്യാമറ: രാകേഷ് ധരന്‍, എഡിറ്റിങ്: ഫ്രാന്‍സിസ് ലൂയിസ്, മ്യൂസിക്, ലിറിക്സ്: ബേസില്‍ സി.ജെ, സൗണ്ട് ഡിസൈന്‍, ലൊക്കേഷന്‍ സൗണ്ട്: സന്ദീപ് കുറിശ്ശേരി, സൗണ്ട് മിക്‌സിങ്: സന്ദീപ് ശ്രീധരന്‍, പ്രൊഡക്ഷന്‍ ഡിസൈന്‍: മഹേഷ് ശ്രീധര്‍, കോസ്റ്റിയൂംസ്: ഫെമിന ജബ്ബാര്‍, മേക്കപ്പ്: രതീഷ് പുല്‍പ്പള്ളി, വിഎഫ്എക്‌സ്: സുമേഷ് ശിവന്‍, കളറിസ്റ്റ്: ശ്രീധര്‍ വി, ഡി ക്ലൗഡ്, അസിസ്റ്റന്റ് ഡയറക്ടര്‍: നിരഞ്ജന്‍ ആര്‍. ഭാരതി, അസ്സോസിയേറ്റ് ഡയറക്റ്റര്‍: ശിവദാസ് കെ.കെ, ഹരിലാല്‍ ലക്ഷ്മണന്‍, പ്രൊഡക്ഷന്‍ കണ്‍ട്രോളര്‍: ജയേഷ് എല്‍.ആര്‍, സ്റ്റില്‍സ്: ദേവരാജ് ദേവന്‍, എക്‌സിക്യൂട്ടീവ് പ്രൊഡ്യൂസര്‍: നിതിന്‍ രാജു, ഷിജോ ജോസഫ്, സിറില്‍ മാത്യു, ടൈറ്റില്‍ ഡിസൈന്‍: സര്‍ക്കാസനം, ഡിസ്ട്രിബൂഷന്‍: ഐസ്‌കേറ്റിംഗ് ഇന്‍ ടോപിക്‌സ് ത്രൂ ശ്രീ പ്രിയ കമ്പൈന്‍സ്, ട്രെയ്‌ലര്‍: അപ്പു എന്‍. ഭട്ടതിരി, പബ്ലിസിറ്റി ഡിസൈനര്‍: ആന്റണി സ്റ്റീഫന്‍, പിആര്‍ഒ: മഞ്ജു ഗോപിനാഥ്, ഡിജിറ്റല്‍ മാര്‍ക്കറ്റിങ്: ഒബ്‌സ്‌ക്യൂറ എന്റര്‍ടെയ്ന്‍മെന്റ്.
Content Highlights: Teaser for `Ithiri Neram` is here! Directed by Prasanth Vijay, starring Roshan Mathew and Zarin Shihab
Published: 15 Oct 2025, 05:00 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented