പ്രിയദര്ശനെപ്പോലുള്ള സംവിധായകര് റിട്ടയര്മെന്റിനെ കുറിച്ച് പറയുമ്പോള് തന്നെ പോലെയുള്ള നടന്മാരുടെ ചിറകിന് ഏല്ക്കുന്ന പരിക്ക് വളരെ വലുതാണെന്ന് നടന് ഹരീഷ് പേരടി. മലയാള സിനിമ പുതിയ കാലഘട്ടത്തില് ഒരുപാട് മികച്ചതായി തോന്നുന്നുവെന്നും കുമ്പളങ്ങി നൈറ്റ്സ്, ഹെലന് തുടങ്ങിയ ചിത്രങ്ങള് കാണുമ്പോള് തന്നെപ്പോലുള്ള ആളുകള് വിരമിക്കേണ്ട സമയമായി എന്ന് പോലും തോന്നാറുണ്ടെന്നും പ്രിയദര്ശന് പറഞ്ഞത് വാര്ത്തയായിരുന്നു. മൂന്നാമത് മാതൃഭൂമി അന്താരാഷ്ട്ര അക്ഷരോത്സവത്തില് ഋതുഭേദങ്ങള്- സിനിമയുടെ പ്രിയദര്ശനക്കാലം എന്ന സെഷനില് സംസാരിക്കുകയായിരുന്നു അദ്ദേഹം.
Read More: ''ഈ സിനിമകള് കാണുമ്പോള് തോന്നും എന്നെപ്പോലുള്ളവര് വിരമിക്കേണ്ട സമയമായെന്ന്''
"പുതിയ കുട്ടികളുടെ സിനിമയെ നിങ്ങള് പ്രോല്സാഹിപ്പിക്കുന്നത് നിങ്ങളുടെ മനസ്സിന്റെ വിശാലത ...പക്ഷെ റിട്ടയര്മെന്റ് എന്ന വാക്ക് പ്രിയന് സാറിന്റെ വാക്കായി മാറുമ്പോള് എന്നെ പോലെയുള്ള നടന്മാരുടെ ചിറകിന് ഏല്ക്കുന്ന പരിക്ക് വളരെ വലുതാണ്". ഹരീഷ് പേരടി കുറിച്ചു
ഹരീഷ് പേരടിയുടെ ഫെയ്സ്ബുക്ക് പോസ്റ്റ്
പ്രിയന് സാര് ...കുഞ്ഞാലിമരക്കാറില് ഞാന് അഭിനയിക്കാന് വന്നപ്പോള് സാബു സിറിള്സാറിന്റെ സെറ്റ്കണ്ട് ഞാന് അത്ഭുതപ്പെട്ടുപോയി...ആ ലൊക്കേഷനില് വെച്ച് ഷൂട്ട് ചെയത എന്റെ സീന് ഞാന് സാറിന്റെ മോണിട്ടറിലേക്ക് നോക്കിയപ്പോള് അത് എന്നെ എത്രയോ നൂറ്റാണ്ടുകള് പിന്നിലേക്ക് കൊണ്ടുപോയി...ഞാന് വല്ലാത്ത ഒരു മാനസികാവസ്ഥയിലായി പോയി...ഞാന് നില്ക്കുന്ന സ്ഥലവും ഞാന് കണ്ട ദൃശ്യങ്ങളും രണ്ടും രണ്ടാണെന്ന് എന്നെ ബോദ്ധ്യപ്പെടുത്താന് എനിക്ക് എന്നെതന്നെ ഒന്ന് തല്ലേണ്ടി വന്നു...പിന്നിട് മലയാളവും തമിഴും ഡബ് ചെയാന് വന്നപ്പോള് താങ്കളുടെ വിസമയങ്ങള്ക്കു മുന്നില് ഞാന് ഒരു ചെറിയ കുട്ടിയായിരുന്നു...
Read More : ''പൂച്ചക്കൊരു മൂക്കുത്തി പുറത്തിറങ്ങിയപ്പോള് രണ്ടു ദിവസം അമ്മ എന്നോട് മിണ്ടിയില്ല''
പുതിയ കുട്ടികളുടെ സിനിമയെ നിങ്ങള് പ്രോല്സാഹിപ്പിക്കുന്നത് നിങ്ങളുടെ മനസ്സിന്റെ വിശാലത... പക്ഷെ റിട്ടയര്മെന്റ് എന്ന വാക്ക് പ്രിയന് സാറിന്റെ വാക്കായി മാറുമ്പോള് എന്നെ പോലെയുള്ള നടന്മാരുടെ ചിറകിന് ഏല്ക്കുന്ന പരിക്ക് വളരെ വലുതാണ്..ഞാന് ബാക്കി വെച്ച കിളിച്ചുണ്ടന് മാമ്പഴങ്ങള് ഇനിയും നിങ്ങളുടെ മാവില് നിന്ന് എനിക്ക് കൊത്തി തിന്നാനുണ്ട്... നിങ്ങളെ പോലെയുള്ള ദൃശ്യ വിസ്മയങ്ങളുടെ തമ്പുരാന് ഞങ്ങള് സിനിമാപ്രേമികളുടെ മനസ്സില് റിട്ടെയര്മെന്റില്ല സാര്...ഇനി അങ്ങിനെ ഒരു തീരുമാനമെടുത്താല് ആ തീരുമാനം മാറ്റാന് വേണ്ടി ഒരു ഹര്ത്താല് നടത്താനും ഞങ്ങള് മലയാളികള് തയ്യാറാണ് ..
Content Highlights : Hareesh Peradi About Priyadarshan MBIFL 2020 Priyadarshan marakkar movie Marakkar: Arabikadalinte Simham
Published: 05 Feb 2020, 12:19 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented