പുതിയ അതിഥിക്കായുള്ള കാത്തിരിപ്പിലാണ് നടി മേഘ്ന രാജും കുടുംബവും. കുഞ്ഞ് ജനിക്കാൻ പോകുന്ന സന്തോഷത്തിനിടെയാണ് മേഘ്നയെ തനിച്ചാക്കി ഭർത്താവും നടനുമായ ചിരഞ്ജീവി സർജ വിടപറയുന്നത്. അവിടുന്നിങ്ങോട്ട് വരാനിരിക്കുന്ന കണ്മണിക്കായാണ് സർജ കുടുംബത്തിലെ ഓരോ അം​ഗത്തിന്റെയും കാത്തിരിപ്പ്. 

To advertise here,

ഇപ്പോഴിതാ പിറക്കാനിരിക്കുന്ന കുഞ്ഞിനായി വിലപിടിപ്പുള്ള സമ്മാനം ഒരുക്കിയിരിക്കുകയാണ് ചിരഞ്ജീവിയുടെ സഹോദരനും നടനുമായ ധ്രുവ സർജ. പത്ത് ലക്ഷം രൂപയുടെ വെള്ളിത്തൊട്ടിലാണ് ധ്രുവ കുഞ്ഞിനായി സമ്മാനം നൽകുന്നത്. തൊട്ടിലിനൊപ്പം നിൽക്കുന്ന ധ്രുവയുടെ ചിത്രങ്ങൾ സോഷ്യൽ മീഡിയയിൽ വൈറലാണ്. 

ഇക്കഴിഞ്ഞ ജൂൺ ഏഴിനാണ് ഹൃദയാഘാതത്തെ തുടർന്ന് ചിരഞ്ജീവിയുടെ മരണം സംഭവിക്കുന്നത്. ദുരന്തത്തിന്റെ ആഘാതത്തിലും മേഘ്നയെ ചേർത്തു നിർത്തി ധ്രുവയും കുടുംബവും. 

കഴിഞ്ഞ ആഴ്ച്ച മേഘ്നയ്ക്ക് സർപ്രൈസൊരുക്കി ബേബി ഷവർ ചടങ്ങും ധ്രുവ സംഘടിപ്പിച്ചിരുന്നു. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ചടങ്ങുകളുടെ ചിത്രങ്ങളും വീഡിയോകളും വൈറലായി മാറിയിരുന്നു. പ്രിയ ചിരുവിന്റെ അഭാവം ജീവിതത്തിലെ ഏറ്റവും വിശേഷപ്പെട്ട ദിനത്തിൽ ഉണ്ടാവാതിരിക്കാൻ അദ്ദേഹത്തിന്റെ ജീവൻ തുടിക്കുന്ന വലിയ കട്ടൗട്ടും വേദിയിൽ സ്ഥാപിച്ചിരുന്നു. 

Content Highlights : Dhruva Sarja gifts Silver crib worth 10 lakhs for Meghna and chiranjeevi Sarja baby