മൂവാറ്റുപുഴ (എറണാകുളം): മൊബൈൽ ടവറിൽനിന്ന് ചെമ്പ് കേബിളുകൾ മോഷ്ടിച്ചയാൾ പിടിയിൽ. അസം സ്വദേശി മാസും അഹമ്മദി(20) നെയാണ് മുവാറ്റുപുഴ എസ്എച്ച്ഒ സുബിൻ ബിജുവിന്റെ നേതൃത്വത്തിൽ പിടികൂടിയത്. 90,000 രൂപ വിലമതിക്കുന്ന ചെമ്പ് കേബിളുകളാണ് ഇയാൾ മോഷ്ടിച്ചത്.
മൂവാറ്റുപുഴ ശിവൻകുന്ന് ഭാഗത്ത് സ്ഥിതിചെയ്യുന്ന ഇൻടസ് ടവേഴ്‌സിന്റെ മൊബൈൽ ടവറിലെ ഷെൽട്ടർ റൂമിൽ അതിക്രമിച്ചുകയറി ചെമ്പ് കേബിളുകൾ മുറിച്ചെടുക്കുകയായിരുന്നു. മുൻപും ഇയാൾ ഇത്തരത്തിൽ ടവറുകളിൽനിന്ന് ചെമ്പ് കേബിളുകൾ മോഷ്ടിച്ചിരുന്നു.
ചെമ്പ് കേബിൾ മോഷണം തടയാൻ മൂവാറ്റുപുഴ ഡിവൈഎസ്പി കെ.ആർ. മനോജിന്റെയും സർക്കിൾ ഇൻസ്‌പെക്ടർ എം.എസ്. ഫൈസലിന്റെയും നിർദ്ദേശാനുസരണം ടവറുകൾ കേന്ദ്രീകരിച്ച് പോലീസ് രാത്രികാല പട്രോളിങ് ശക്തമാക്കിയിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Content Highlights: An Assam native named Masum Ahmed was arrested by Muvattupuzha police., Stolen copper cables valued at approximately Rs 90,000 from an Indus Towers mobile shelter., Police intensified night patrolling around mobile towers to curb rising theft incidents., The accused was produced in court and remanded.
Published: 08 Nov 2026, 06:42 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented