വാശിയേറിയ ഒരു കബഡി മത്സരത്തിന്റെ ചടുലതയും ആകാംക്ഷയും ഉള്ക്കൊള്ളിച്ചുകൊണ്ട് ഷെയിന് നിഗം നായകനായെത്തുന്ന 'ബള്ട്ടി'യുടെ ഒഫീഷ്യല് ടൈറ്റില് ഗ്ലിംപ്സ് പുറത്തിറങ്ങി. ഇന്നോളം കാണാത്ത വേഷപ്പകര്ച്ചയില് രൗദ്രഭാവത്തോടെ, ഉദയന് എന്ന നായകകഥാപാത്രമായാണ് സിനിമയുടേതായി പുറത്തിറങ്ങിയിരിക്കുന്ന ആദ്യ വീഡിയോയില് ഷെയിന് നിഗം പ്രത്യക്ഷപ്പെടുന്നത്. എസ്ടികെ ഫ്രെയിംസ്, ബിനു ജോര്ജ്ജ് അലക്സാണ്ടര് പ്രൊഡക്ഷന്സ് എന്നീ ബാനറുകളില് സന്തോഷ് ടി. കുരുവിള, ബിനു ജോര്ജ്ജ് അലക്സാണ്ടര് എന്നിവര് നിര്മിച്ച്, നവാഗതനായ ഉണ്ണി ശിവലിംഗം സംവിധാനം ചെയ്യുന്നതാണ് ഈ സ്പോര്ട്സ് ആക്ഷന് ചിത്രം.
കുത്ത് പാട്ടിന്റെ അകമ്പടിയോടെ പുറത്തിറങ്ങിയ ഗ്ലിംപ്സിന് വലിയ സ്വീകരണമാണ് സോഷ്യല് മീഡിയയില് നിമിഷ നേരംകൊണ്ട് ലഭിച്ചിരിക്കുന്നത്. ഓണത്തിന് പുറത്തിറങ്ങുന്ന ആഘോഷചിത്രം ഷെയിന് നിഗത്തിന്റെ കരിയറിലെ തന്നെ ഏറ്റവും വലിയ ബജറ്റിലാണ് ഒരുങ്ങുന്നത്. കേരള തമിഴ്നാട് അതിര്ത്തിയില് സ്ഥിതി ചെയ്യുന്ന ഗ്രാമത്തിന്റെ പശ്ചാത്തലത്തില് അരങ്ങേറുന്ന ഒരു കഥയാണ് ചിത്രം പറയുന്നത്. തമിഴും മലയാളവും ഇടകലര്ന്ന ഭാഷസംസാരിക്കുന്ന പ്രദേശത്തെ ഒരു പറ്റം ചെറുപ്പക്കാരുടെ കഥയില് കബഡിയും സൗഹൃദവും പ്രണയവും സംഘര്ഷവും പശ്ചാത്തലമായി വരുന്നുണ്ട്.
'ന്നാ താന് കേസ് കൊട്' എന്ന ചിത്രത്തിന്റെ വന്വിജയത്തിന് ശേഷം സന്തോഷ് ടി. കുരുവിള നിര്മിക്കുന്ന ചിത്രം കൂടിയാണ് 'ബള്ട്ടി'. ഉണ്ണി ശിവലിംഗം സംവിധാനം ചെയ്യുന്ന ആദ്യ ചിത്രമായ 'ബള്ട്ടി'യില് ഷെയ്ന് നിഗത്തോടൊപ്പം മലയാളത്തിലെയും തമിഴിലെയും മുന്നിര അഭിനേതാക്കളും പ്രഗത്ഭരായ സാങ്കേതിക വിദഗ്ദരും പങ്കുചേരുന്നു. സംഗീതത്തിനും ആക്ഷനും ഏറെ പ്രാധാന്യമുള്ള ഈ ചിത്രം ഓണത്തിന് തീയേറ്ററുകളിലെത്തും. ചിത്രത്തിലെ സുപ്രധാന താരങ്ങളെയും സാങ്കേതിക വിദഗ്ധരെയും വരും ദിവസങ്ങളില് പ്രഖ്യാപിക്കും.
കോ പ്രൊഡ്യൂസര്: ഷെറിന് റെയ്ച്ചല് സന്തോഷ്, എക്സിക്യൂട്ടീവ് പ്രൊഡ്യൂസര്: സന്ദീപ് നാരായണ്, ഡയറക്ടര് ഓഫ് ഫോട്ടോഗ്രാഫി: അലക്സ് ജെ. പുളിക്കല്, വരികള്: വിനായക് ശശികുമാര്, കലാസംവിധാനം: ആഷിക് എസ്, വസ്ത്രാലങ്കാരം: മെല്വി ജെ, ആക്ഷന് കൊറിയോഗ്രാഫി: ആക്ഷന് സന്തോഷ്, വിക്കി മാസ്റ്റര്, മേക്കപ്പ്: ജിതേഷ് പൊയ്യ, സൗണ്ട് ഡിസൈന്: നിതിന് ലൂക്കോസ്, ഡിഐ: കളര് പ്ലാനറ്റ്, സ്റ്റില്സ്: സുഭാഷ് കുമാരസ്വാമി, സജിത്ത് ആര്എം, കളറിസ്റ്റ്: ശ്രീക് വാര്യര്, വിഎഫ്എക്സ്: ആക്സല് മീഡിയ, ഫോക്സ്ഡോട്ട് മീഡിയ, മിക്സിങ്: എം.ആര്. രാജാകൃഷ്ണന്, പ്രോജെക്ട് കോര്ഡിനേറ്റര്: ബെന്നി കട്ടപ്പന, കൊറിയോഗ്രാഫി: അനുഷ, പ്രൊഡക്ഷന് കണ്ട്രോളര്: കിഷോര് പുറക്കാട്ടിരി, ചീഫ് അസോസിയേറ്റ് ഡയറക്ടര്: ശ്രീലാല് എം, അസോസിയേറ്റ് ഡയറക്ടര്: ശബരിനാഥ്, രാഹുല് രാമകൃഷ്ണന്, സാംസണ് സെബാസ്റ്റ്യന്, മെല്ബിന് മാത്യു പോസ്റ്റ് പ്രൊഡക്ഷന്: എന്റര്ടെയ്ന്മെന്റ്സ്, എസ്ടികെ ഫ്രെയിംസ് സിഎഫ്ഒ: ജോബിഷ് ആന്റണി, സിഒഒ: അരുണ് സി. തമ്പി, ഡിസ്ട്രിബ്യൂഷന്: മൂണ്ഷോട്ട് എന്റര്ടെയ്ന്മെന്റ്സ് പ്രൈവറ്റ് ലിമിറ്റഡ്, ഓഡിയോ ലേബല്: തിങ്ക് മ്യൂസിക്. ടൈറ്റില് ഡിസൈന്: റോക്കറ്റ് സയന്സ്, പബ്ലിസിറ്റി ഡിസൈന്സ്: വിയാഖി, മാര്ക്കറ്റിങ് ആന്ഡ് വിഷ്വല് പ്രൊമോഷന്സ്: സ്നേക്ക്പ്ലാന്റ് എല്എല്പി, പിആര്ഒ: ഹെയിന്സ്.
Content Highlights: Shane Nigam`s `Balti` official glimpse is out!
Published: 09 Jun 2025, 09:52 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented