
തെലുങ്ക് ചിത്രം തില്ലു സ്ക്വയര് ചെയ്യേണ്ടിവന്നപ്പോഴുള്ള വെല്ലുവിളികള് തുറന്നുപറഞ്ഞ് നടി അനുപമ പരമേശ്വരന്. വേഷത്തെക്കുറിച്ച് തനിക്ക് ഒട്ടും ആത്മവിശ്വാസമുണ്ടായിരുന്നില്ലെന്ന് അനുപമ പറഞ്ഞു. കഥാപാത്രത്തിന്റെ വസ്ത്രങ്ങളില് താന് ഒട്ടും കംഫര്ട്ടബിള് ആയിരുന്നില്ലെന്നും അവര് ഓര്ത്തെടുത്തു.
'വളരേ സങ്കീര്ണ്ണമായൊരു ഘട്ടമായിരുന്നു അത്. അവര്ക്ക് ആ കഥാപാത്രത്തെ ഇഷ്ടമായിരുന്നിന്നല്ല. അവര്ക്ക് ആ വേഷം ഞാന് ചെയ്തതാണ് ഇഷ്ടമാവാതിരുന്നത്', ചിത്രം എന്തുകൊണ്ട് ആരാധകര് സ്വീകരിച്ചില്ലെന്ന് അനുപമ വിശദീകരിച്ചു.
'ആ വേഷം ചെയ്യാന് സമ്മതംമൂളാന് കുറച്ചേറെ സമയം എടുത്തു. ഞാന് അത് ചെയ്യണോ എന്ന് കുറേ ആലോചിച്ചു. സെറ്റില്പോലും എനിക്ക് 100% ആത്മവിശ്വാസമുണ്ടായിരുന്നില്ല. തില്ലു സ്ക്വയറിലെ ആ വസ്ത്രങ്ങളില് ഞാന് കംഫര്ട്ടബിള് ആയിരുന്നില്ല', അവര് തുറന്നുപറഞ്ഞു.
'എനിക്ക് ഭംഗിയുള്ളതായിപ്പോലും എനിക്ക് തോന്നിയില്ല. ഞാന് വളരേ ബോധവതിയായിരുന്നു. പക്ഷേ, ആ കഥാപാത്രം അതായിരുന്നു. ചില കഥാപാത്രങ്ങള്ക്കുവേണ്ടി ആയോധനകലയോ നൃത്തമോ പഠിക്കേണ്ടിവരും. അതുപോലെ ഒരുവെല്ലുവിളിയായി ഞാന് അതും സ്വീകരിച്ചു', അനുപമ കൂട്ടിച്ചേര്ത്തു.
Content Highlights: I was not comfortable doing Tillu Square- Anupama Parameswaran
Published: 14 Aug 2025, 04:35 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented