ന്യൂഡല്ഹി: സംഗീതസംവിധായകനും ഓസ്കര് ജേതാവുമായ എ.ആര് റഹ്മാനെതിരേ വിമര്ശനവുമായി ഗായകന് അഭിജിത് ഭട്ടാചാര്യ. റഹ്മാനെ കാണാനായി ഹോട്ടലിലേക്ക് പോയപ്പോഴുണ്ടായ അനുഭവത്തിന്റെ പശ്ചാത്തലത്തിലാണ് ഗായകന്റെ പ്രതികരണം. റഹ്മാന് സാധാരണ പകല് സമയങ്ങളില് ജോലി ചെയ്യുന്ന രീതിയില്ലെന്ന് അഭിജിത് ഭട്ടാചാര്യ പറഞ്ഞു.
താന് ചിട്ടയോടെ ജോലി ചെയ്യുന്ന ആളാണെന്നും ക്രിയേറ്റിവിറ്റിയുടെ പേരില് പുലര്ച്ചെ റെക്കോഡ് ചെയ്യാന് പറയുന്നതിന്റെ യുക്തി മനസിലാകുന്നില്ലെന്നും അദ്ദേഹം പറഞ്ഞു.ബോളിവുഡ് തികാനയ്ക്ക് നല്കിയ അഭിമുഖത്തിലാണ് അഭിജിത് ഭട്ടാചാര്യ തുറന്നുപറഞ്ഞത്. ഇരുവരും ഒരു ഗാനത്തില് മാത്രമാണ് ഒരുമിച്ച് പ്രവര്ത്തിച്ചിട്ടുള്ളത്.
എ.ആര് റഹ്മാനെ കാണാന് പോയപ്പോഴുണ്ടായ ഒരു അനുഭവമാണ് അഭിജിത് പങ്കുവെച്ചത്. പ്രമുഖ കമ്പോസര്മാരായ ആനന്ദ്-മിലിന്ദ്, ജതിന്-ലളിത്, അനു മാലിക്ക് എന്നിവര് തന്നെ തുടര്ച്ചയായി വിളിച്ചുകൊണ്ടിരിക്കുന്ന സമയത്താണ് കാണാന് ചെന്നത്. അദ്ദേഹത്തെ കാണാനായി ഹോട്ടലില് കാത്തുനിന്നു. കുറേ സമയത്തിന് ശേഷം ഇനി കാത്തുനില്ക്കാനാവില്ലെന്ന് തീരുമാനിച്ചു. പിറ്റേദിവസം രാവിലെ റെക്കോഡ് ചെയ്യാമെന്ന് കരുതി. എന്നാല് പുലര്ച്ചെ 2 മണിക്ക് വിളിച്ച് സ്റ്റുഡിയോയിലേക്ക് വരാന് പറഞ്ഞു. താന് ഉറങ്ങുകയാണെന്ന് മറുപടി നല്കിയതായും അഭിജിത് പറഞ്ഞു.
രാവിലെ സ്റ്റുഡിയോയിലേക്ക് പോയപ്പോള് അദ്ദേഹം അവിടെ ഉണ്ടായിരുന്നില്ല. സാധാരണസമയങ്ങളില് ജോലി ചെയ്യുന്ന രീതി അവര്ക്കില്ല. ഞാന് ചിട്ടയോടെ ജോലി ചെയ്യുന്ന ആളാണ്. ക്രിയേറ്റിവിറ്റിയുടെ പേരില് നിങ്ങള് പുലര്ച്ചെ 3.33 ന് റെക്കോഡ് ചെയ്യണമെന്ന് പറയുന്നത് എനിക്ക് മനസിലാകുന്നില്ല. - അഭിജിത് പറഞ്ഞു.
Content Highlights: Abhijeet Bhattacharya Slams AR Rahmans Unsystematic Way of Working
Published: 05 Jan 2025, 01:04 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented